Транскрипт
1 Акафист святой великомученице Варваре Чтобы не умереть внезапной смертью Святая великомученица Варвара родилась в знатной языческой семье. Ее отец желал выдать девушку замуж, но Варвара решила уневестить себя единому Жениху Христу. Ее отдали на мучения, и сам отец лично отрубил мученице голову, за что и был вскоре поражен Божиим наказанием убит молнией. Святая Варвара имеет благодать у Бога сохранять всякого человека от болезни и внезапной смерти без покаяния и причащения. Кондак 1 Взбранной Богом от идолослужительнаго рода и призванной во язык свят, в люди обновления, невесте Христове, яко избавляющиися тобою от различных зол и обстояний, благодарственная пения и хваления восписуем ти, молитвенницы твои, святая и всехвальная великомученице: ты же, имущи дерзновение ко Господу, от всяких нас бед свободи, да с радостию зовем ти: радуйся, варваро, невесто Христова прекрасная. Икос 1 Ангелом честную и вселюбезную чистоту непорочно сохранши, честная Варваро, Ангелом сожительница быти сподобилася еси, с нимиже егда поеши Троическую песнь Богу на небеси, услыши нас, поющих тебе на земли похвальная пения сия: Радуйся, отроковице, Богом Отцем предуставленная быти сообразна в страдании образу Сына Его; радуйся, Сыном Божиим, Светом от Света, призванная из тьмы в чудный свет веры и благодати Его. Радуйся, яко позвавшему тя Святому Духу, и сама телом и духом свята еси; радуйся, яко от скверны плоти и духа непорочну себе соблюла еси. Радуйся, рожденному от Девы Жениху Христу деву тя чистую обручившая; радуйся, земнаго обручника паче Небеснаго знати не восхотевшая. Радуйся, крине девства, посреде терния идольскаго прорастший доле; радуйся, цвете чистоты, в неувядаемой славе цветущий горе. Радуйся, в небеснем вертограде Христова благоухания наслаждающаяся; радуйся, краснейшаго паче сынов человеческих зрением тамо утешающаяся. Радуйся, убелившая ризы твоя в крови Агнчей на земли; радуйся, в лице девственном последующая Божиему Агнцу на небеси. Кондак 2 Видящи святая Варвара себе на высоком столпе от отца поставлену, помышляше себе манием Божиим к небеси быти возводиму. Разумная убо восхождения в сердце своем положши, теми от тьмы к Свету и от прелестных идолов ко истинному Богу Умне восхождаше, поюще Ему: Аллилуиа. Икос 2 Разум неуразуменный о единем всея твари Творце разумети дева святая Варвара Ищущи, беседоваше со своим си разумом, глаголющи: «От темных кумиров чудным светилам небесным како бе создатися мощно, рцы ми». К нейже он со Псаломником рече: «Вси бози язык бесове, един же есть Бог и Господь, Иже небеса и вся светила их сотвори». Таковому твоему, мудрая дево, разуму дивящеся, глаголем: Радуйся, паче старец идолослужительных разумнейшая; радуйся, паче мудрецев мира сего мудрейшая.
2 Радуйся, яко тебе безвестная и тайная премудрости своея Бог явил есть; радуйся, яко тебе истиннаго богословия Сам Бог Слово научил есть. Радуйся, всех звездочетцев умом Христовым превозшедшая; радуйся, явственнее паче онех небесный круг прозревшая. Радуйся, яко в твари, Аки в зерцале, самаго Творца усмотрела еси; радуйся, яко в созданных светилах Несозданный Свет узрела еси. Радуйся, ныне уже кроме зерцала свет лица Божия на небеси зрящая; радуйся, тем светом неизреченно веселящаяся. Радуйся, умная звездо, еяже озарением лице Божие, яко солнце, светло нам является; радуйся, мысленная луно, Еюже нощь заблуждения Яко день просвещается. Кондак 3 Сила Вышняго даде тогда святей Варваре, Якоже древле пророку иезекиилю, лице адамантово, сильно пред всеми идолослужительми, во Еже не убоятися ей от зверскаго лица их, ни ужасатися лютаго прещения. Темже со дерзновением мужемудренная дева взываше: «троицу чту, едино божество, и Той верою покланяющися, велегласно пою: Аллилуиа». Икос 3 Имущи святая Варвара свыше данную себе мудрость, востече к делателем бани отеческия, и Онем проявляя тайну Святыя Троицы, повеле три окна в бане устроити. «Аще, рече, идолослужителие уста Имут и не глаголют славы истиннаго Бога, то каменныя в сей бане стены треми окнами, Аки треми устнами, да свидетельствуют, яко Един есть Бог, в Троице святей от всея твари славимый и покланяемый». За таковое Убо мудрование, святая Варваро, приими похвалу сию: Радуйся, в треоконной бане купель Святаго Крещения, во имя Троицы Пресвятыя, изобразившая; радуйся, в купели воды и Духа, к сим же и крове твоея мученическия, тебе измывшая. Радуйся, яко треми окнами тьму многобожия, троице святей противнаго, прогнала еси; радуйся, яко окнами треми свет троический ясно узрела еси. Радуйся, яко теми треми окнами призре на тя Солнце Правды, тридневно возсиявшее от гроба; радуйся, яко теми тебе возсия день троическаго спасения. Радуйся, сердце твое Единому в Троице Богу всегда отверсто имевшая; радуйся, чувства твоя пред бранию триех врагов: плоти, мира и диавола, крепко заключившая. Радуйся, яко в души твоей три мысленныя окна: веры, надежды и любве, устроила еси; радуйся, яко теми треми окнами при троическом Божестве треми деньми воздвиженную Тела Христова Церковь усмотрела еси. Радуйся, яко тебе небеса от триех иерархий ангельских отверзошася; радуйся, яко тебе горния обители троическия радостно прияша. Кондак 4 Буря ярости велия отца твоего, дышущаго прещением и убийством, возшуме на храм души твоея, святая Варваро, но того не возможе поколебати: основан бо бе на твердом веры Христовы камени, на немже ты, мудрая дево, неподвижимо стоящи, укрепляющему тя Иисусу Христу песнь воспевала еси: Аллилуиа. Икос 4 Услышав от тебе, мудрыя дщери, отец твой диоскор неслышанная о святей троице словеса, Яко Аспид глухий затка уши своя и по подобию змиину с жалом ядоносным устремися со острием меча на твое убийство: но ты, невесто Христова Варваро,
3 подражающи Жениха твоего Иисуса, бежавшаго от меча Иродова, бегала еси от меча диоскорова, желающи сердце его от зверския ярости в любовь отеческую обратити. Мы же разумное твое бегство звании почитаем сими: Радуйся, блаженная, изгнанная из дому земнаго правды ради; радуйся, богатая в Бога, лишенная отеческих богатств Христа ради. Радуйся, яко твоего обнищания есть Царствие Небесное; радуйся, яко тебе уготовася вечных благ сокровище. Радуйся, словесная Агнице, от злаго волка мучителя к доброму Пастырю Христу прибегшая; радуйся, во двор праведных овец Его, одесную стоящих, вшедшая. Радуйся, незлобивая голубице, от земнаго врана в покров Небеснаго Орла прелетевшая; радуйся, в крове крилу Его добрый себе покров обретшая. Радуйся, Небеснаго Отца дщи честная, яко от земнаго родителя с безчестием на смерть гонима была еси; радуйся, яко от безсмертнаго Господа Славы в жизнь вечную со славою прията еси. Радуйся, тояжде и нам жизни присножелающая ходатаице; радуйся, прилежная о нас к Богу молитвеннице. Кондак 5 Боготечной звезде была еси подобна, святая великомученице варваро: бежащи бо пред отцем твоим, наставляла еси того таинственне на путь, ведущий ко Праведному Солнцу, от Девы возсиявшему, Христу Богу. Обаче он душевныма ослеплен очима, Абие и телесныма не узре тя пред собою бежащую: ты бо сквозе каменную, тебе велением Божиим разступившуюся, гору прошедши, скрылася еси от Очию его в каменней пещере, да от среды камения, Яко птица, даси глас Богу, воспевающи: Аллилуиа. Икос 5 Видевше тя пастырие, верху горы Овцы пасущии, в камени крыющуюся, дивляхуся, глаголюще: «Что сия словесная Агница? Коего волка бегает?» И се диоскор, паче волка лютейший, востече на гору, и тебе тамо крыющуюся обрет, и похитив за девическия твоя власы, влечаше ко своему дому по жестокому пути, на немже тя вернии сретаем приветствии сими: Радуйся, младому еленю на горах ароматских уподобившаяся; радуйся, горняя паче дольних, восхождения в сердце твоем полагающи, возлюбившая. Радуйся, избывшая погибельнаго идолослужения рова; радуйся, на гору троическаго поклонения востекшая. Радуйся, сквозе камение прошедшая, от каменносердаго бегающи гонения; радуйся, среде камения Камень Христа, утверждающаго тя, обретшая. Радуйся, в пещеру каменную вшедшая, видети Иисуса во гробе каменнем бывша положенна; радуйся, уже Того видящая на Престоле Славы седяща. Радуйся, яко власы главы твое за Христа хранящаго, да и влас главы человеческия не погибнет, исторжени суть на земли; радуйся, Яко тии от Христа изочтени суть ко увенчанию на небеси. Радуйся, власы твоя кровию доле, яко цветами, обагрившая; радуйся, заплетение власов твоих окрававленных в венец себе златый обратившая. Кондак 6 Проповедником богоносным, апостолом Христовым, поревновавши, дерзновенно пред лицем мучителей проповедала еси Христа истиннаго Бога: и Его ради лютыя раны, власяными рубы и острым чрепием болезненно потираемыя, мужественно претерпела еси,
4 святая Варваро. Темже в темницу всаждена, в ней Аки в чертозе о Христе Иисусе ликовала еси, поющи Ему: Аллилуиа. Икос 6 Возсиявый в сердце твоем просвещение истиннаго богоразумия, возсия и во очесех твоих свет Божественнаго лица Своего Христос Господь: Той бо, яко возлюбленный твой Жених, в полунощи к тебе, непорочней Своей невесте, в темницу пришед, любезно тя посети, от ран исцели, и светлостию лица Своего неизреченно душу твою возвесели, нас же верных научи пети тебе сицевая: Радуйся, за страдавшаго биение Христа нещадно биенная; радуйся, биения терпением невидимаго врага убившая. Радуйся, язвы Господа твоего на теле твоем носившая; радуйся, от всех язв темжде Господем на теле твоем исцелевшая. Радуйся, яко Сам Господь, Свет мира, тебе в темнице бывшей Себе явил есть; радуйся, яко Сам души и тела Врач тебе больную посетил есть. Радуйся, чрез земную темницу в небесный чертог светло вшедшая; радуйся, от кровей твоих брачную тебе одежду исткавшая. Радуйся, яко тобою от многих ран грешнии исцеляются; радуйся, яко тобою от всех болезней с верою тя призывающии уздравляются. Радуйся, уз греховных скорая решительнице; радуйся, язв многозлобных добрая целебнице. Кондак 7 Хотящу безумному мучителю желание свое улучити и еще покушающемуся ласкательными словесы тебе, святая Варваро, от истиннаго Бога отвратити ко прелестным Идолом, ты, яко мудрая дева, отвещала еси тому: «первее твердый адамант в мягкий воск претвориши, нежели мене отвратиши от Христа Бога моего: Того бо, со Отцем и Святым Духом, единаго истиннаго Бога исповедую, славлю и хвалю, и пою Ему: Аллилуиа». Икос 7 Новую показа безчеловечия ярость зверообразный мучитель, егда тебе, святая великомученице варваро, повеле на древе повесити, и ноготьми железными тело твое строгати, и свещами горящими твоя опаляти ребра, еще же и млатом во главу тяжко бити. Сие пачеестественное терпение твое благоговейно воспоминающе, похвалами блажим тя сими: Радуйся, яко повешена была еси на древе Христа ради, на Кресте распятаго; радуйся, яко строгана по ребром Иисуса ради, копием в ребра прободеннаго. Радуйся, яко огнь любве к Богу в сердце твоем возжегла еси; радуйся, яко за Того огненными свещами палима была еси. Радуйся, твердейшая адаманта в терпении невредимом; радуйся, крепчайшая каменнаго столпа в мужестве непоколебимом. Радуйся, яко млатом, бившим тя по главе, венец царствия тебе исковася; радуйся, яко темже млатом глава врага твоего сокрушися. Радуйся, яко со Христом, Его ради, на земли страдала еси; радуйся, яко с Ним и о Нем на небеси прославляешися. Радуйся, всех врагов наших крепкая победительнице; радуйся, во всех бедах наших скорая помощнице.
5 Кондак 8 Странное и страшное святыя Варвары страдание видящи, благоверная в женах иулиания удивися зело, како млада отроковица в Юностнем телеси таковыя мужественно за Христа терпит муки; таже, слезнаго исполнившися умиления, благодарственно и та возопи Христу Богу: Аллилуиа. Икос 8 Весь Сладчайший Иисусе сладость, весь желание тебе бысть, святая Варваро, сладце бо Его ради горькия претерпела еси муки, глаголющи: «Чашу страданий, Юже даде ми возлюбленный мой Жених, не Имам ли пити?» Темже и сама показалася еси чаша, сладость чудесных исцелений изливающая всем вопиющим к тебе сицевая: Радуйся, отвергшая во адское горе идольскую горесть; радуйся, возлюбившая небесную Исусову сладость. Радуйся, мысленная стамно, манну брашна творения воли Божия в себе имущая; радуйся, верных во благих желание исполняющая. Радуйся, реко, исполненная благодати Божия водами; радуйся, источниче, кипящий чудес излиянии. Радуйся, яко пчела, от зловоннаго идольских жертв дыма отлетевшая; радуйся, во благоуханную мира Христова воню сладце притекшая. Радуйся, яко твоими по всем теле Язвами была еси подобна соту; радуйся, яко крове твоея капли сладчайшия паче меда быша Пресладкому Иисусу. Радуйся, яко всем верным воспоминание твое пресладко; радуйся, яко всей Церкви Христовой имя твое пречестно. Кондак 9 Все естество ангельское велию возрадовася радостию, узревши мужественную крепость твою, святая и непобедимая мученице Варваро: видевше бо Ангельстии чинове ветхаго врага, прегордаго князя тьмы, со всем его бесовским и диавольским полчищем от тебе, единыя младыя девы посрамленнаго, побежденнаго же и под нозе твои поверженнаго, велиим гласом возопиша Богу: Аллилуиа. Икос 9 Ветии многовещаннии риторскими своими языки не возмогут изрещи величества твоих болезненых страданий, о Варваро: кто бо скажет болезнь твою, колика бе, егда сосца твоя урезана быша? Кто изречет студ лица девическаго, егда обнажена по всему граду от беззаконных мучителей водима была еси? Сицевую болезнь и безчестие твое мы точию воспомянувше, содрогаемся и со умилением глаголем сице: Радуйся, добрая леторасле сада Иисусова; радуйся, истинная лозо винограда Христова. Радуйся, два сосца твоя отрезанная, Аки два грезна в честь господеви твоему принесшая; радуйся, кровь твою, Аки вино умиления, от тех источившая. Радуйся, яко Христа ради обнаженнаго и ты риз своих совлечена была еси; радуйся, яко Его ради, во Иерусалиме ругательне водимаго, и ты по граду на поругание водима была еси. Радуйся, от Ангела светлою одеждою в наготе своей одеянная; радуйся, тою от студных очес невидимо покровенная. Радуйся, чудным ангелом и человеком позор бывшая; радуйся, и самех мучителей терпением твоим удивившая. Радуйся, яко Сам Господь свыше призре на твоя страдания; радуйся, Сам Той подвигоположник похвали подвиги твоя.
6 Кондак 10 Спасти хотя душу твою, о теле нерадила еси, святая Варваро: егда бо на тя мечное на смерть осуждение изыде, ты под меч острый, Аки под венец красный радостно идущи, Богу, в мученическом подвизе тебе укрепляющему, воспевала еси песнь: Аллилуиа. Икос 10 Стены каменныя твердее окамененный сердцем бысть диоскор, твой, святая Варваро, не уже родитель, но лютый мучитель: той бо, яко услыша твое мечное на смерть осуждение, не точию о смерти твоей не поболе, но и сам своим мечем на месте осуждения твою святую усече главу, и тако, по предречению Господню, окаянный отец предаде на смерть свое чадо. В той убо блаженней твоей кончине приими от нас пения сия: Радуйся, за главу Церкве Христа под меч главу твою преклоньшая; радуйся, за любовь к Небесному человеколюбивому Отцу Безсмертному на смерть от земнаго безчеловечнаго отца тленнаго преданная. Радуйся, течение мученическаго пути скончавшая добре; радуйся, веру безсмертному обручнику Христу до смерти сохраншая бодре. Радуйся, силою свыше на брань противу сил преисподних препоясанная; радуйся, победоносною славою в вышних от Христа Победителя одеянная. Радуйся, оружием благоволения Божия венчанная на земли; радуйся, цветом нетления украшенная на небеси. Радуйся, девам доброто и похваление; радуйся, мучеником красото и радование. Радуйся, христианом крепкое прибежище; радуйся, верным твердое заступление. Кондак 11 Пение наше похвальное, Аще бо и тьмочисленное, вемы, яко несть довольно по достоянию восхвалити тя, святая и всехвальная мученице Варваро: обаче мы, Божиих тобою нам обильно подаваемых дарований благодарни суще, Богу в тебе Своими благодеянии прославляемому, благодарственными усты поем: Аллилуиа. Икос 11 Светоприемную свещу, на небеснем свещнице пред Престолом святыя Троицы поставленную, зрим Умныма очима тебе, святая дево варваро: отонудуже, егда нощный грехов наших мрак лучами молитв твоих просвещаеши и нас на светлую спасения стезю наставляеши, по долгу достойна еси от нас званием быти почитаема сим: Радуйся, светоумная луче, во светлость немерцающую прилученная; радуйся, мысленная деннице, день невечерний озаряти возшедшая. Радуйся, благовонная смирно, Церковь Христову благоухающая; радуйся, златая кадильнице, фимиам молитвы о нас к Богу приносящая. Радуйся, мироположнице исцелений неоскудная; радуйся, сокровище Божиих даров неиждивительное. Радуйся, чаше, от обилия дому Божия черплющая радость; радуйся, сосуде, от исполнения Христова приемлющий всех благ небесных сладость. Радуйся, адаманте, перстень безсмертнаго со Христом обручения украсивый; радуйся, венче доброты, в руце Господней держимый. Радуйся, яко на тя Царь славы, Господь сил, славу и велелепие возложил есть; радуйся, яко тебе Царь царствующих и Господь господствующих Царство Свое и господствие даровал есть.
7 Кондак 12 Благодать от Бога дана ти есть, хранити и соблюдати от внезапныя болезни и наглыя смерти всякаго человека, верою, любовию и благоговением честная твоя страдания воспоминающаго и почитающаго; тоя благодати не лиши и нас, добрая дево Варваро, да и мы, здрави сущи телом и духом, в нынешней и будущей жизни о тебе поем Богу: Аллилуиа. Икос 12 Поем твоя крепкия подвиги, почитаем страдания, хвалим долготерпение, ублажаем святую твою кончину; славим твое в немощнем теле оказавшееся непобедимое мужество, Имже на земли и на Небеси прославилася еси, святая и добропобедная великомученице Варваро, и в честь твоих победоносных подвигов и страданий похвальная восписуем ти сия: Радуйся, от ангельских чинов в сожительство их любезно приятая; радуйся, от девственных ликов в чертог небесный радостно введенная. Радуйся, от мученических полков под венец славы провождаемая во гласе радования; радуйся, от всех жителей небесных приемшая о Господе целование. Радуйся, яко мзда твоя многа есть на небесех; радуйся, яко радость твоя вечна есть во светлости святых. Радуйся, от враг видимых и невидимых крепкая нам заступнице; радуйся, радости нам, благодати же и славы вечныя ходатаице. Радуйся, душевных и телесных недугов наших целительнице; радуйся, спасительных благ земных и небесных подательнице. Радуйся, яко тобою от нечаянныя и вечныя смерти сохранени быти уповаем; радуйся, яко тобою вечную жизнь улучити благонадежно чаем. Кондак 13 О многострадальная и всехвальная святая великомученице варваро! Нынешнее наше моление приемши, от всяких болезней душевных и телесных и враг видимых и невидимых нас избави, и от вечнаго мучения твоим богоприятным ходатайством сохрани, да с тобою на земли живых во веки поем Богу: Аллилуиа. Этот кондак читается трижды, затем 1-й икос «Ангелом честную...» и 1-й кондак «избранной Богом...». Молитва О святая славная и всехвальная великомученице варваро! Собраннии днесь в храме твоем Божественнем люди, раце мощей твоих поклоняющиися и с любовию целующии, страдания же твоя мученическая, и в них Самаго страстоположника Христа, давшаго тебе не точию еже в Него веровати, но и еже по Нем страдати, похвалами ублажающе, молим тя, известная желания нашего ходатаице: моли с нами и о нас умоляемаго от Своего благоутробия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, и дарует христианскую кончину животу нашему безболезненну, непостыдну, мирну, Божественных Таин причастну, и всем на всяком месте, во всякой скорби и обстоянии требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога израилева, не удаляющаго помощи своея от нас всегда, ныне и присно и во веки веков. Аминь.
Акафист святой великомученице Варваре Кондак 1 Избранной Богом от идолослужительнаго рода и призванной во язык свят, в люди обновления, невесте Христове, яко избавляющийся тобою от различных зол и обстояний,
Икона Божией Матери «КАЗАНСКАЯ» (ПЕНЗЕНСКАЯ) Прославилась икона Богоматери в 1717 году чудесным спасением Пензы от опустошительного нашествия кочевников. Ногайская орда совершила рейд в глубь России, разоряя
Святой мученик Иоанн Воин Святой Иоанн служил в императорском войске, во время гонения на христиан тайно помогал им, предупреждая об опасности и даже освобождая тех, кто уже находился в заключении. Спустя
Свящ: И сподоби нас Владыка, со дерзновением, неосужденно осмелиться призывать Тебя, Небесного Бога Отца, и говорить. Благодарственная малая ектенья (В конце Литургии). Диак: Станем с благоговением, и
ВЕНЧИК ПРОСЛАВЛЕНИЯ БОГА Боже, приди мне на помощь. Господи, поспеши, чтобы спасти меня. Слава Отцу, и Сыну, и Святому Духу, и ныне, и присно, и во веки веков. Аминь. Поздравление 1. Со святым Михаилом
Евангелие от Матфея 110 Помыслите о Претерпевшем Мф 20:17-19 Мф 16:21 С того времени Иисус начал открывать ученикам Своим, что Ему должно идти в Иерусалим и много пострадать от старейшин и первосвященников
О РОЖДЕНИИ СВЫШЕ Господь Бог совершен в Святой Троице, от Него свыше нисходят все дары совершенные. «... Всякое даяние доброе и всякий дар совершенный нисходит свыше, от Отца светов, у которого нет менения
БОГОРОДИЧНОЕ ПРАВИЛО Издательство Московской Патриархии Русской Православной Церкви 2015 УДК 243 ББК 86-372 Б74 Б74 Рекомендовано к публикации Издательским Советом Русской Православной Церкви ИС Р15-421-1834
1 Одесса_Экзауди_2016 8 Мая Ефес.3:14-21. «да даст вам, по богатству славы Своей, крепко утвердиться Духом Его во внутреннем человеке, верою вселиться Христу в сердца ваши», (Ефес.3:16,17). Мы часто слышим
Порядок Утренней Молитвы на Воскресенье Приготовление Благодать, милость и мир от Бога Отца и Господа Иисуса Христа да будет с вами. Также и с тобой. Сей день сотворил Господь. Возрадуемся и возвеселимся
ПАСХАЛЬНОЕ ПОСЛАНИЕ ЕПИСКОПА БУЗУЛУКСКОГО И СОРОЧИНСКОГО АЛЕКСИЯ пастырям, диаконам, монашествующим и всем верным чадам Бузулукской епархии 2018 Сердечно приветствую вас, возлюбленные о Господе отцы,
ЧАСОВ В ЧЕСТЬ БОЖЬЕГО МИЛОСЕРДИЯ М.: Ежи Коско УТРЕНЯ С.: Ежи Коско, о. Станислав Вежбица SAC П.: Игорь Баранов, Елена Пушкар C. Поспеши, Боже, избавить меня. В. Поспеши, Господи, на помощь мне. С. Милосердие
Серия проповедей «Сообщество веры» Часть 3 Единое служение Еф. 4:1-6 Составляющие жизни веры Признание нашей полной зависимости от Бога Признание, что Христос открыл нам доступ к Богу Признание Бога могущественным
Великомученица Варвара Илиопольская и мученица Иулиания Илиопольская Святая великомученица Варвара родилась в г. Илиополе (нынешней Сирии) при императоре Максимине (305 311 гг.) в знатной языческой семье.
Сценарий выступления Воскресной школы в день Покрова Пресвятой Богородицы 14 октября 2012 года Тропарь: Днесь, благовернии людие, светло празднуем,/ осеняеми Твоим, Богомати, пришествием,/ и к Твоему взирающе
Первое соборное послание святого апостола Иоанна == === 1 === 1 О том, что было от начала, что мы слышали, что видели своими очами, что рассматривали и что осязали руки наши, о Слове жизни, -- 2 ибо
В начале было Слово, и Слово было у Бога, и Слово было Бог. В Нем была жизнь, и жизнь была свет человеков. Иоанн 1:1,4 1 Опять говорил Иисус к народу и сказал им: Я свет миру; кто последует за Мною, тот
Слава креста Флп 2:6-10 1Кор 1:17-18 Ибо Христос послал меня не крестить, а благовествовать, не в премудрости слова, чтобы не упразднить креста Христова. 18 Ибо слово о кресте для погибающих юродство есть,
Наше спасение 1 Царств 12:24 только бойтесь Господа и служите Ему истинно, от всего сердца вашего, ибо вы видели, какие великие дела Он сделал с вами; I. От чего мы спасаемся? Cпасение - избавление от
УРОК 5: «Во что верят православные христиане» ПРАВОСЛАВНЫЕ ХРИСТИАНЕ Проповедовать учить. Собор святых славных и всехвальных апостолов от 70-ти. Икона Апостол посланник. Так называли учеников Иисуса Христа
Евангелие Евангелие 1. Содержание благой вести. Часто верующий человек не зная как объяснить Евангелие и пытаясь объяснить человеку о спасении может говорить о многих важных вещах, но при этом не дает
Статья 3 Дух Святой Мы верим в Святого Духа, в вечного Духа Божиего, Который пребывал в Иисусе Христе, Который вдохновляет церковь, Который является источником нашей жизни во Христе, и Который посылается
Друзья! - Открылся новый Христианский Форум ХВЕ - svetzaveta.forum.co.ee/, зовите и друзей. КТО РЕВНУЕТ В ДУХЕ СВЯТОМ! ПРОРОЧЕСКОЕ СЛОВО Христианские стихи ХВЕ о Духе Святом, для всех Христиан, и Церквей
Полнота: Роль Святого Духа в нашей жизни И не упивайтесь вином, от которого бывает распутство; но исполняйтесь Духом (Послание к Ефесянам 5:18) 53. Январь 14, 2019 - Январь 20, 2019 Полнота: Роль Святого
Урок 8 Церковь Существует много красивых зданий и соборов, а также скромных помещений миссий и хижин, на которых написано Церковь. Над зданиями возвышаются кресты, звонницы, башни, которые по-своему возвещают
Акафист святой праведной деве Иулянии, княжне Ольшанской Кондак 1 Избранной Господом девственною чистотою, // Богоблаженная дево Иулиание, // явилася еси Руси православной теплая молитвеннице, // благодатию
Конспект проповеди Евангелие Рождества I 1. Что такое Рождество? Гал 4:4 Но когда пришла полнота времени, Бог послал Сына Своего Единородного. Который родился от жены, и подчинился закону. У Бога все точки
Еф.1:1 Павел, волею Божиею Апостол Иисуса Христа, находящимся в Ефесе святым и верным во Христе Иисусе: 2 благодать вам и мир от Бога Отца нашего и Господа Иисуса Христа. 3 Благословен Бог и Отец Господа
Урок 2 О БОГЕ Цель урока: Помочь увидеть, что Бог христиан это не один из множества богов, а Единственный Бог, равных которому нет и быть не может. Этот урок: Помогает лучше понимать Бога; Побуждает больше
Стихи на 2019 год Полнота: Роль Святого Духа в нашей жизни 53. Январь 14, 2019 - Январь 20, 2019 И не упивайтесь вином, от которого бывает распутство; но исполняйтесь Духом (Послание к Ефесянам 5:18) 54.
Акафист Пресвятой Богородице в честь иконы Ея «Избавительница» Празднование 17 (4) апреля и 30 (17) октября Кондак 1 Возбрани врагом нашим озлобляти нас и от Господа нашего отлучати конечне и нас научи
НЕДЕЛЯ ПЯТАЯ ПО ПАСХЕ, О САМАРЯНЫНЕ Истиннии поклонницы поклонятся Отцу Духом и Истиною: ибо Отец таковых ищет покланяющихся Ему (Ин. 4:23). БЕСЕДА ИИСУСА ХРИСТА С САМАРЯНКОЮ В озвращаясь из Иудеи в Галилею,
Спаси, Господи, и помилуй отца моего духовнаго, родителей моих, сродников, начальников, наставников, благодетелей и всех православных христиан. Упокой, Господи, души усопших раб Твоих: родителей моих,
Превосходство Христа - 6 Христос и примирение - 1 Колоссянам 1:19-20 I. Сущность примирения Кол.1:20 и чтобы посредством Его примирить с Собою все, умиротворив через Рим.5:10 Ибо если, будучи врагами,
Ах в этой бурной жизни Благодарные сердца Благодатная скала Благословений потоки Ближе Господь к тебе Бог есть любовь Бог любит малых воробьев Бог мой храни меня Бог явился во плоти Боже жизнь возми Боже
Допущено к и з д а н и ю Издательским советом Белорусского Экзархата Русской П р а в о с л а в н о й Церкви (решение 53 от 22.10.2010 г.) ISBN 978-985-511-575-6 Кубарев Ю. Е., Витецкая С. К., иллюстрации,
Могут ли христиане иметь сейчас вечную жизнь и не потерять ее? Вечная жизнь есть «дар Божий во Христе Иисусе, Господе нашем». Она обещана тем, кто поверит в нее. 25 Обетование же, которое Он обещал нам,
ЖЕЗЛ ААРОНОВ ВОСХОДЯЩИЙ! Христианские стихи, о Служении Богу в Духе Святом, для всех Христиан, и Церквей Пятидесятницы, ищущих Лица Господнего - в Молитве Ревности, имеющих - Знамение Праведности и Веры,
Урок 6, 11 августа 2018 Петр отверз уста и сказал: истинно познаю, что Бог нелицеприятен, но во всяком народе боящийся Его и поступающий по правде приятен Ему (Деяния 10:34, 35) Перед отречением Петра
Самый главный христианский праздник ПАСХА. Светлое Воскресение Христово Господь Иисус Христос силою Своего Божества ожил, то есть воскрес из мертвых, победил смерть и искупил наши грехи. Главные православные
31декабря 2014 года Ночное богослужение ц. Сонрак проповедь: старший епископ Ким Ги Донг Моя душа, возрождай Церковь! Добрый и верный раб (Мтф.25:14-30) Бог - живой Господин. Бог сотворил все. поэтому
16 апреля 2017 года Воскресная проповедь ц. «Сонрак» Епископ Ким Ги Донг (Ин.21:15-18) Бог есть любовь. Он явил миру любовь, послав Слово, и это Иисус Христос (Ин.1:14). Наша вера в том, чтобы любить Его.
Урок 9 О втором члене Символа веры 129. Имена Иисус Христос, Сын Божий следует понимать так. Сыном Божиим называется Второе Лицо Святой Троицы по Своему Божеству. Сын Божий назван Иисусом, когда Он родился
МОЛИТВЫ В СТИХАХ Господи, Бог наш Единый! Кроме Тебя, нет богов! Славим Тебя, Творец Дивный, Господь всех миров! Господи, Отче наш, Боже! В душах наших живи! Любовь к Тебе нам дороже Всякой земной любви!
Страдание святого мученика Никифора Память 9 февраля В великой Антиохии Сирийской, жили - некий пресвитер, по имени Саприкий, и простец, - гражданин Никифор. Они питали друг к другу такую любовь и так
Стихи по Псалму 88 Учение Ефама Езрахита О Тебе, Господи, буду я петь Лишь о Тебе в род и род, И уста мои будут славить и петь, Чтобы знал Твою милость народ. Я пою: Божья милость навек Свою, истину Ты
Икона Божией Матери «Милостивая» (Киккская) Память иконы Божией Матери Милостивая (Киккская) празднуется 25 ноября (12 ноября по старому стилю), 8 января (26 декабря). Согласно преданию, икона была написана
Урок 3, 21 января 2017 Благодать Господа нашего Иисуса Христа, и любовь Бога Отца, и общение Святого Духа со всеми вами. (2 Коринфянам 13:13) Но Петр сказал: Анания! Для чего ты допустил сатане вложить
Друзья, на канале ЮТЮБ открылся канал - Стихи ХВЕ/Камаскина Светлана/ Заходите и подписывайтесь на обновления! www.youtube.com/user/svetzaveta, КОМУ ДАНА ПОБЕДА? Христианские стихи ХВЕ о Служении Богу
Акафист Пресвятой Богородице перед Ея иконой, именуемой «Избавительница» Кондак 1 Возбрани врагом нашим озлобляти нас и от Господа нашего отлучити конечне, а нас научи пети Тебе весело: Радуйся, Избавительнице,
В этот день мы желаем не только препоручить Богу наших усопших, но и обновить нашу веру в воскресение со Христом, победившим смерть. Вера наша заключена в словах Господа Иисуса, сказавшего: «Я есмь воскресение
Благодарственные молитвы по Святом Причащении на русском языке Слава Тебе, Боже! Слава Тебе, Боже! Слава Тебе, Боже! Молитва благодарственная, первая. Благодарю Тебя, Господи, Боже мой, что Ты не отверг
Положение честного пояса Пресвятой Богородицы 31 августа/13 сентября Православная Церковь празднует Положение честного пояса Пресвятой Богородицы. Пояс Божией Матери одна из величайших святынь христианства.
Избранные светить 1 Петра 2:9 Еф 2:19-20 Итак вы уже не чужие и не пришельцы, но сограждане святым и свои Богу, быв утверждены на основании Апостолов и пророков, имея Самого Иисуса Христа краеугольным
Святейший Патриарх Кирилл о Святой Троице Во второй день после Пятидесятницы мы особенным образом прославляем Духа Святаго, и это дает Церкви возможность задуматься о том, что есть Дух Святый и в чем проявляется
1 год 1 четверть БОРЬБА ключевое слово четверти. Слово Божье оружие борьбы. 1. Слово Божье меч духовный. 2. Сила Слова Божьего. Бог Победитель в борьбе. 3. Божья борьба с грехом. 4. Бог покровитель в борьбе.
Урок 12 Наши отношения с Богом Мы уже говорили о том, что нашей главной обязанностью перед Богом является любить Его. В Уроке 11 мы также говорили о том, что эта любовь может проявляться в исполнении Его
Молитва за всех верующих Не о них же только молю, но и о верующих в Меня по слову их, да будут все едино, как Ты, Отче, во Мне, и Я в Тебе, так и они да будут в Нас едино, да уверует мир, что Ты послал
АКАФИСТ СВЯТОЙ РАВНОАПОСТОЛЬНОЙ МАРИИ МАГДАЛИНЕ ИЗДАТЕЛЬСКИЙ СОВЕТ РУССКОЙ ПРАВОСЛАВНОЙ ЦЕРКВИ МОСКВА 2006 ББК 86 372 А 38 По благословению Святейшего Патриарха Московского и всея Руси АЛЕКСИЯ II А 38
СОБОР АРХИСТРАТИГА МИХАИЛА И ПРОЧИХ НЕБЕСНЫХ СИЛ БЕСПЛОТНЫХ 21 НОЯБРЯ (8 НОЯБРЯ ПО СТ. СТИЛЮ) АНГЕЛЬСКИЙ МИР АНГЕЛЫ ЭТО БЕСТЕЛЕСНЫЕ И БЕССМЕРТНЫЕ ДУХИ, ОДАРЕННЫЕ УМОМ, ВОЛЕЮ И МОГУЩЕСТВОМ. БОГ СОТВОРИЛ
ЖАТВА БОЖИЯ ПОСПЕЛА! - Христианские стихи о Служении Богу в Духе Святом, для всех ЦЕРКВЕЙ ХВЕ, и Христиан (Пророк Авдий гл.1:18ст. "..И Дом Иакова будет - Огнём, и Дом - Иосифа - Пламенем, а дом Исавов
ПАСХАЛЬНОЕ ПОСЛАНИЕ епископа Орского и Гайского ИРИНЕЯ всечестному духовенству, преподобному монашеству и боголюбивой пастве Орской епархии Русской Православной Церкви 2012 ХРИСТОС ВОСКРЕСЕ! Эти слова
Таинство Крещения Таинство Крещения является дверью в Церковь как Царство благодати с него начинается христианская жизнь. Крещение грань, отделяющая членов тела Христова от прочих людей, находящихся вне
ИЛЬЯ - ПРОРОК ЖИВОГО БОГА! //Пророческое Слово - ИЛЬЯ, АП.ПАВЕЛ, АВРААМ./ Христианские стихи, о Служении Богу в Духе Святом, для всех Христиан, и Церквей Пятидесятницы, ревнующие в Молитве, о Силе Свыше,
С ЧЕГО ИИСУС НАЧИНАЕТ СВОЕ СЛУЖЕНИЕ? С того времени Иисус начал проповедывать и говорить: покайтесь, ибо приблизилось Царство Небесное. Проходя же близ моря Галилейского, Он увидел двух братьев: Симона,
Кондак 1
Избранной Богом от идолослужительнаго рода и призванной во язык свят, в люди обновления, невесте Христове, яко избавляющийся тобою от различных зол и обстояний, благодарственная пения и хваления восписуем ти молитвенницы твои, святая и всехвальная великомученице: ты же, имущи дерзновение ко Господу, от всяких нас бед свободи, да с радостию зовем ти: Радуйся, Варваро, невесто Христова прекрасная.
Ангелом честную и вселюбезную чистоту непорочно сохранши, честная Варваро, Ангелом сожительница быти сподобилася еси, с нимиже егда поеши троическую песнь Богу на небеси, услыши нас, поющих тебе на земли похвальная пения сия: Радуйся, отроковице, Богом Отцем предуставленная быти сообразна в страдании образу Сына Его; радуйся, Сыном Божиим, Светом от Света, призванная из тьмы в чудный свет веры и благодати Его. Радуйся, яко позвавшему тя Святому Духу, и сама телом и духом свята еси; радуйся, яко от скверны плоти и духа непорочну себе соблюла еси. Радуйся, рожденному от Девы Жениху Христу деву тя чистую обручившая; радуйся, земнаго обручника паче Небеснаго знати не восхотевшая. Радуйся, крине девства, посреде терния идольскаго прорастший доле; радуйся, цвете чистоты, в неувядаемой славе цветущий горе. Радуйся, в Небесном вертограде Христова благоухания наслаждающаяся; радуйся, Краснейшаго паче сынов человеческих зрением тамо утешающаяся. Радуйся, убелившая ризы твоя в Крови Агнчей на земли; радуйся, в лице девственном последующая Божиему Агнцу на Небеси. Радуйся, Варваро, невесто Христова прекрасная.
Видящи святая Варвара себе на высоком столпе от отца поставлену, помышляше себе манием Божиим к Небеси быти возводиму. Разумная убо восхождения в сердце своем положши, теми от тьмы к Свету и от прелестных идолов ко Истинному Богу умне восхождаше, поющи Ему: Аллилуиа.
Разум неуразуменный о Едином всея твари Творце разумети дева святая Варвара ищущи, беседоваше со своим си разумом, глаголющи: “От темных кумиров чудным светилам небесным како бе создатися мощно, рцы ми”. К нейже он со Псаломником рече: “Вси Бозе язык бесове, Един же есть Бог и Господь, Иже небеса и вся светила их сотвори”. Таковому твоему, мудрая дево, разуму дивящеся, глаголем: Радуйся, паче старец идолослужительных разумнейшая; радуйся, паче мудрецев мира сего мудрейшая. Радуйся, яко тебе безвестная и тайная премудрости Своея Бог явил есть; радуйся, яко тебе истиннаго богословия Сам Бог Слово научил есть. Радуйся, всех звездочетцев умом Христовым превозшедшая; радуйся, явственнее паче оных Небесный круг прозревшая. Радуйся, яко в твари, аки в зерцале, Самаго Творца усмотрела еси; радуйся, яко в созданных светилах Несозданный Свет узрела еси. Радуйся, ныне уже кроме зерцала свет лица Божия на Небеси зрящая; радуйся, тем светом неизреченно веселящаяся. Радуйся, умная звездо, еяже озарением лице Божие, яко солнце, светло нам является; радуйся, мысленная луно, еюже нощь заблуждения яко день просвещается. Радуйся, Варваро, невесто Христова прекрасная.
Сила Вьшняго даде тогда святей Варваре, якоже древле пророку Иезекиилю, лице адамантово, сильно пред всеми идолослужительми, во еже не убоятися ей от зверскаго лица их, ни ужасатися лютаго прещения. Темже со дерзновением мужемудренная дева взываше: “Троицу чту, Едино Божество, и Той верою покланяющися, велегласно пою: Аллилуиа”.
Имущи святая Варвара Свыше данную себе мудрость, востече к делателем бани отеческия, и онем проявляя тайну Святыя Троицы, повеле три окна в бане устроити. “Аще, - рече, - идолослужителие уста имут и не глаголют славы истиннаго Бога, то каменныя в сей бане стены треми окнами, аки треми устнами, да свидетельствуют, яко Един есть Бог, в Троице Святей от всея твари славимый и покланяемый”. За таковое убо мудрование, святая Варваро, приими похвалу сию: Радуйся, в треоконной бане купель святаго Крещения, во имя Троицы Пресвятыя, изобразившая; радуйся, в купели воды и Духа, к сим же и крове твоея мученическия, тебе измывшая. Радуйся, яко треми окнами тьму многобожия, Троице Святей противнаго, прогнала еси; радуйся, яко окнами треми Свет Троический ясно узрела еси. Радуйся, яко теми треми окнами призре на тя Солнце Правды, тридневно возсиявшее от гроба; радуйся, яко теми тебе возсия день Троического спасения. Радуйся, сердце твое Единому в Троице Богу всегда отверсто имевшая; радуйся, чувства твоя пред бранию триех врагов, плоти, мира и диавола, крепко заключившая. Радуйся, яко в души твоей три мысленная окна, веры, надежды и любве, устроила еси; радуйся, яко теми треми окнами при Троическом Божестве треми деньми воздвиженную Тела Христова Церковь усмотрела еси. Радуйся, яко тебе Небеса от триех иерархий ангельских отверзошася; радуйся, яко тебе Горния обители Троическия радостно прияша. Радуйся, Варваро, невесто Христова прекрасная.
Буря ярости велия отца твоего, дышущаго прещением и убийством, возшуме на храм души твоея, святая Варваро, но того не возможе поколебати: основан бо бе на твердом веры Христовы камени, на немже ты, мудрая дево, неподвижимо стоящи, укрепляющему тя Иисусу Христу песнь воспевала еси: Аллилуиа.
Слышав от тебе, мудрыя дщери, отец твой Диоскор неслышанная о Святей Троице словеса, яко аспид глухий затка уши своя и по подобию змиину с жалом ядоносным устремися со острием меча на твое убийство: но ты, невесто Христова Варваро, подражающи Жениха твоего Иисуса, бежавшаго от меча Иродова, бегала еси от меча Диоскорова, желающи сердце его от зверския ярости в любовь отеческую обратити. Мы же разумное твое бегство звании почитаем сими: Радуйся, блаженная, изгнанная из дому земнаго правды ради; радуйся, богатая в Бога, лишенная отеческих богатств Христа ради. Радуйся, яко твоего обнищания есть Царствие Небесное; радуйся, яко тебе уготовася вечных благ сокровище. Радуйся, словесная агнице, от злаго волка мучителя к Доброму Пастырю Христу прибегшая; радуйся, во двор праведных овец Его, одесную стоящих, вшедшая. Радуйся, незлобивая голубице, от земнаго врана в покров Небеснаго Орла прелетевшая; радуйся, в крове крилу Его добрый себе покров обретшая. Радуйся, Небеснаго Отца дщи честная, яко от земнаго родителя с безчестием на смерть гонима была еси; радуйся, яко от безсмертнаго Господа Славы в Жизнь Вечную со славою прията еси. Радуйся, тояжде и нам жизни присножелающая ходатаице; радуйся, прилежная о нас к Богу молитвеннице. Радуйся, Варваро, невесто Христова прекрасная.
Боготечной звезде была еси подобна, святая великомученице Варваро: бежащи бо пред отцем твоим, наставляла еси того таинственно на путь, ведущий ко Праведному Солнцу, от Девы возсиявшему, Христу Богу. Обаче он душевныма ослеплен очима, абие и телесныма не узре тя пред собою бежащую: ты бо сквозе каменную, тебе велением Божиим разступившуюся, гору прошедши, скрылася еси от очию его в каменней пещере, да от среды камения, яко птица, даси глас Богу, воспевающи: Аллилуиа.
Видевше тя пастырие, верху горы овцы пасущии, в камени крыющуюся, дивляхуся, глаголюще: что сия словесная агница? Коего волка бегает? И се Диоскор, паче волка лютейший, востече на гору, и тебе тамо крыющуюся обрет, и похитив за девическия твоя власы, влечаше ко своему дому по жестокому пути, на немже тя вернии сретаем приветствии сими: Радуйся, младому еленю на горах ароматских уподобившаяся; радуйся, горняя, паче дольних восхождения в сердце твоем полагающи, возлюбившая. Радуйся, избывшая погибельнаго идолослужения рова; радуйся, на гору Троическаго поклонения востекшая. Радуйся, сквозе камение прошедшая, от каменносердаго бегающи гонения; радуйся, среде камения Камень Христа, утверждающаго тя, обретшая. Радуйся, в пещеру каменную вшедшая, видети Иисуса во гробе каменном бывша положенна; радуйся, уже Того видящая на Престоле Славы седяща. Радуйся, яко власы главы твоея за Христа, хранящаго, да и влас главы человеческия не погибнет, исторжени суть на земли; радуйся, яко тии от Христа изочтени суть ко увенчанию на Небеси. Радуйся, власы твоя кровию доле, яко цветами, обагрившая; радуйся, заплетение власов твоих окровавленных в венец тебе златый обратившая. Радуйся, Варваро, невесто Христова прекрасная.
Проповедником богоносным, апостолом Христовым, поревновавши дерзновенно, пред лицем мучителей проповедала еси Христа Истиннаго Бога: и Его ради лютыя раны, власяными рубы к острым чрепием болезненно потираемыя, мужественно претерпела еси, святая Варваро. Также в темницу всаждена, в ней аки в чертозе о Христе Иисусе ликовала еси, поющи Ему: Аллилуиа.
Возсиявый в сердце твоем просвещение истиннаго богоразумия, возсия и во очесех твоих свет Божественнаго лица Своего Христос Господь: Той бо, яко возлюбленный твой Жених, в полунощи к тебе, непорочней Своей невесте, в темницу пришед, любезно тя посети, от ран исцели и светлостию Лица Своего неизреченно душу твою возвесели, нас же верных научи пети тебе сицевая: Радуйся, за страдавшаго биение Христа нещадно биенная; радуйся, биения терпением невидимаго врага убившая. Радуйся, язвы Господа Твоего на теле твоем носившая; радуйся, от всех язв, Темжде Господем, на теле твоем исцелевшая. Радуйся, яко Сам Господь, Свет мира, тебе в темнице бывшей Себе явил есть; радуйся, яко Сам души и тела Врач тебе больную посетил есть. Радуйся, чрез земную темницу в Небесный Чертог светло вшедшая; радуйся, от кровей твоих брачную тебе одежду исткавшая. Радуйся, яко тобою от многих ран грешнии исцеляются; радуйся, яко тобою от всех болезней с верою тя призывающии уздравляются. Радуйся, уз греховных скорая решительнице; радуйся, язв многозлобных добрая целебнице. Радуйся, Варваро, невесто Христова прекрасная.
Хотящу безумному мучителю желание свое улучити и еще покушающемуся ласкательными словесы тебе, святая Варваро, от Истиннаго Бога отвратити ко прелестным идолом, ты, яко мудрая дева, отвещала еси тому: “Первее твердый адамант в мягкий воск претвориши, нежели мене отвратиши от Христа Бога моего: Того бо, со Отцем и Святым Духом, Единаго Истиннаго Бога исповедую, славлю, и хвалю, и пою Ему: Аллилуиа”.
Новую показа безчеловечия ярость зверообразный мучитель, егда тебе, святая великомученице Варваре, повеле на древе повесити, и ноготьми железными тело твое строгати, и свещами горящими твоя опаляти ребра, еще же и млатом во главу тяжко бити. Сие пачеестественное терпение твое благоговейно воспоминающе, похвалами блажим тя сими: Радуйся, яко повешена была еси на древе, Христа ради на Кресте распятаго; радуйся, яко строгана по ребром Иисуса ради, копием в ребра прободеннаго. Радуйся, яко огнь любве к Богу в сердце твоем возжегла еси; радуйся, яко за Того огненными свещами палима была еси. Радуйся, твердейшая адаманта в терпении невредимом; радуйся, крепчайшая каменнаго столпа в мужестве непоколебимом. Радуйся, яко млатом, бившим тя по главе, венец Царствия тебе исковася; радуйся, яко темже млатом глава врага твоего сокрушися. Радуйся, яко со Христом, Его ради, на земли страдала еси; радуйся, яко с Ним и о Нем на Небеси прославляешися. Радуйся, всех врагов наших крепкая победительнице; радуйся, во всех бедах наших скорая помощнице. Радуйся, Варваро, невесто Христова прекрасная.
Странное и страшное святыя Варвары страдание видящи, благоверная в женах Иулиания удивися зело, како млада отроковица в юностнем телеси таковыя мужественно за Христа терпит муки; таже, слезнаго исполнившися умиления, благодарственно и та возопи Христу Богу: Аллилуиа.
Весь Сладчайший Иисус сладость, весь желание тебе бысть, святая Варваро; сладце бо Его ради горькия терпела еси муки, глаголющи: “Чашу страданий, юже даде ми Возлюбленный мой Жених, не имам ли пити?” Темже и сама показалася еси чаша, сладость чудесных исцелений изливающая всем вопиющим к тебе сицевая: Радуйся, отвергшая во адское горе идольскую горесть; радуйся, возлюбившая Небесную Иисусову сладость. Радуйся, мысленная стамно, манну брашна творения воли Божия в себе имущая; радуйся, верных во благих желание исполняющая. Радуйся, реко исполненная благодати Божия водами; радуйся, источниче, кипящий чудес излиянии. Радуйся, яко пчела, от зловонного идольских жертв дыма отлетевшая; радуйся, во благоуханную мира Христова воню сладце притекшая. Радуйся, яко твоими во всем теле язвами была еси подобна соту; радуйся, яко крове твоея капли сладчайшия паче меда быша Пресладкому Иисусу. Радуйся, яко всем верным воспоминание твое пресладко; радуйся, яко всей Церкви Христовой имя твое пречестно. Радуйся, Варваро, невесто Христова прекрасная.
Все естество ангельское велиею возрадовася радостию, узревши мужественную крепость твою, святая и непобедимая мученице Варваро: видевше бо ангельскии чинове ветхаго врага, прегордаго князя тьмы, со всем его бесовским и идольским полчищем от тебе, единыя младыя девы, посрамленнаго, побежденнаго же и под нозе твои поверженнаго, велиим гласом возопиша Богу: Аллилуиа.
Ветии многовещаннии риторскими своими языки не возмогут изрещи величества твоих болезненных страданий, о Варваро: кто бо скажет болезнь твою, колика бе, егда сосца твоя урезана быша? Кто изречет студ лица девическаго, егда обнажена по всему граду от беззаконных мучителей водима была еси? Сицевую болезнь и безчестие твое мы точию воспомянувше, содрогаемся и со умилением глаголем сице: Радуйся, добрая леторасле сада Иисусова; радуйся, истинная лозо винограда Христова. Радуйся, два сосца твоя отрезанная, аки два грезна в честь Господеви твоему принесшая; радуйся, кровь твою, аки вино умиления, от тех источившая. Радуйся, яко Христа ради обнаженнаго и ты риз твоих совлечена была еси; радуйся, яко Его ради, во Иерусалиме ругательно водимаго, и ты по граду на поругание водима была еси. Радуйся, от Ангела светлою одеждою в наготе твоей одеянная; радуйся, тою от студных очес невидимо покровенная. Радуйся, чудный ангелом и человеком позор бывшая; радуйся, и самех мучителей терпением твоим удивившая. Радуйся, яко Сам Господь Свыше призре на твоя страдания; радуйся, яко Сам Той Подвигоположник похвали подвиги твоя. Радуйся, Варваро, невесто Христова прекрасная.
Кондак 10
Спасти хотя душу твою, о теле твоем всячески нерадила еси, святая Варваро: егда бо на тя мечное на смерть осуждение изыде, ты под меч острый, аки под венец, красный, радостно идущи, Богу, в мученическом подвизе тебе укрепляющему, воспевала еси песнь: Аллилуиа.
Стены каменныя твердее окамененный сердцем бысть Диоскор, твой, святая Варваро, не уже родитель, но лютый мучитель: той бо, яко услыша твое мечное на смерть осуждение, не точию о смерти твоей не поболе, но и сам своим мечем на месте осуждения твою святую усече главу, и тако, по предречению Господню, окаянный отец предаде на смерть свое чадо. В той убо блаженней твоей кончине приими от нас пения сия: Радуйся, за главу Церкви - Христа под меч главу твою преклоншая; радуйся, за любовь к Небесному человеколюбивому Отцу Безсмертному на смерть от земнаго безчеловечнаго отца тленнаго преданная. Радуйся, течение мученическаго пути скончавшая добре; радуйся, веру безсмертному Обручнику Христу до смерти сохраншая бодре. Радуйся, силою Свыше на брань противу сил преисподних препоясанная; радуйся, победоносною славою в Вышних от Христа Победителя одеянная. Радуйся, оружием благоволения Божия венчанная на земли; радуйся, цветом нетления украшенная на Небеси. Радуйся, девам доброто и похваление; радуйся, мучеником красоте и радование. Радуйся, христианом крепкое прибежище; радуйся, верным твердое заступление. Радуйся, Варваро, невесто Христова прекрасная.
Кондак 11
Пение наше похвальное, аще бы и тьмочисленное, вемы, яко несть довольно по достоянию восхвалити тя, святая и всехвальная мученице Варваро: обаче мы, Божиих тобою нам обильно подаваемых дарований благодарни суще, Богу, в тебе Своими благодеянии прославляемому, благодарственными усты поем: Аллилуиа.
Светоприемную свещу, на Небеснем свещнице пред Престолом Святыя Троицы поставленную, зрим умныма очима тебе, святая дево Варваро: отонудуже, егда нощный грехов наших мрак лучами молитв твоих просвещаеши и нас на светлую спасения стезю наставляеши, по долгу достойна еси от нас званием быти почитаема сим: Радуйся, светоумная луче, во светлость немерцающую прилученная; радуйся, мысленная деннице, день невечерний озаряти возшедшая. Радуйся, благовонная смирно, Церковь Христову благоухающая; радуйся, златая кадильнице, фимиам молитвы о нас к Богу приносящая. Радуйся, мироположнице исцелений неоскудная; радуйся, сокровище Божиих даров неиждивительное. Радуйся, чаше, от обилия дому Божия черплющая радость; радуйся, сосуде, от исполнения Христова приемлющий всех благ Небесных сладость. Радуйся, адаманте, перстень безсмертнаго со Христом обручения украсивый; радуйся, венче доброты, в руце Господней держимый. Радуйся, яко на тя Царь Славы, Господь Сил, славу и велелепие возложил есть; радуйся, яко тебе Царь царствующих и Господь господствующих Царство Свое и господствие даровал есть. Радуйся, Варваро, невесто Христова прекрасная.
Кондак 12
Благодать от Бога дана ти есть, хранити и соблюдати от внезапныя болезни и наглыя смерти всякаго человека, верою, любовию и благоговением честная твоя страдания воспоминающаго и почитающаго; тоя благодати не лиши и нас, добрая дево Варваро, да и мы, здрави суще телом и духом в нынешней и будущей жизни о тебе поем Богу: Аллилуиа.
Поем твоя крепкия подвиги, почитаем страдания, хвалим долготерпение, ублажаем святую твою кончину, славим твое в немощнем теле показавшееся непобедимое мужество, имже на земли и на Небеси прославилася еси, святая и добропобедная великомученице Варваро, и в честь твоих победоносных подвигов и страданий похваль-ная восписуем ти сия: Радуйся, от ангельских чинов в сожительство их любезно приятая; радуйся, от девственных ликов в чертог Небесный радостно введенная. Радуйся, от мученических полков под венец славы провождаемая во гласе радования; радуйся, от всех жителей Небесных приемшая о Господе целование. Радуйся; яко мзда твоя многа есть на Небесех; радуйся яко радость твоя вечна есть во светлости святых. Радуйся, от враг видимых и невидимых крепкая нам заступнице; радуйся, радости нам, благодати же и славы вечныя ходатаице. Радуйся, душевных и телесных недугов наших целительнице; радуйся, спасительных благ земных и небесных подательнице. Радуйся, яко тобою от нечаянныя и вечныя смерти сохранени быти уповаем; радуйся, яко тобою вечную жизнь улучити благонадежно чаем. Радуйся, Варваро, невесто Христова прекрасная.
Кондак 13
О многострадальная и всехвальная святая великомученице Варваро! Нынешнее наше моление приемши, от всяких болезней душевных и телесных и враг видимых и невидимых нас избави, и от вечнаго мучения твоим богоприятным ходатайством сохрани, да с тобою на земли живых во веки поем Богу: Аллилуиа.
(Этот кондак читается трижды, затем икос 1 и кондак 1)
Молитвы ко святой великомученице Варваре
Молитва первая
Святая славная и всехвальная великомученице Варваро! Собраннии днесь в храме твоем Божественном люди, раце мощей твоих поклоняющиися и любовию целующии, страдания же твоя мученическая, и в них самого Страстоположника Христа, давшаго тебе не точию еже в Него веровати, но и еже по Нем страдати, похвалами ублажающе, молим тя, известная желания нашего ходатаице: моли с нами и о нас, умоляемаго от Своего благоутробия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, и дарует христианскую кончину животу нашему - безболезненну, непостыдну, мирну, Божественных Тайн причастну, и всем, на всяком месте, во всякой скорби и обстоянии требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас всегда, ныне и присно, и во веки веков, аминь.
Молитва вторая
Премудрая и всекрасная святая великомученице Христова Варваро! Блаженна еси, яко Премирная мудрость Божия плоть и кровь не яви тебе, но Сам Бог Отец Небесный, Иже тебе, верь ради от невернаго отца оставленную, изгнанную и умерщвленную, в дщерь Себе возлюбленную прият; за тленное земнаго имения наследие плоти нетление дарова; труды мученическия упокоением Небеснаго измени Царствия; временное твое житие, смертию Его ради пресеченное, сицевою воспрослави почестию, яко душу с лики Небесных вчини духов, тело же, на земли в храме их ангельском положенное, ангелом заповеда сохранити цело, честно и многочудесно. Блаженна еси, Христу Сыну Божию, Жениху Небесному, уневещанная Дево, Егоже доброты твоея Рачителя имети желающи, всю себе страданием, ранами, удов резанием и самыя главы усечением, аки тварьми дражайшими, потщалася еси украсити: да тако, яко жена, верна главе своей - мужу, Христу духом и телом соединишися неразлучно, глаголющи: обретох, Егоже возлюби душа моя, удержах Его и не оставих Его. Блаженна еси, яко Святый Дух на тебе почил есть, имже духовными духовная разсуждати научена, вся духи лукавствия во идолех яко пагубныя отринула еси и Единаго Бога Духа познавши, яко истинная поклонница, духом и истиною кланятися изволила еси, проповеднически глаголющи: “Троицу чту, Едино Божество”. Сию Святую Троицу, Юже в животе и смерти исповеданием и страданием своим прославила еси, умоли о мне, предстательнице моя, яко да и аз всегда тройственною веры, любве и надежды добродетелию. Туюжде Святую Троицу почитаю. Имам светильник веры, но празден благих дел елеа: ты, мудрая дево, страдальческую плоть твою, крове исполненную и ранами проливающуюся, аки светильник имущая, даждь от елеа твоего, да тем душевную мою свещу украсивши, сподоблюся по тебе в Чертог Небесный. Пресельник аз есмь на земли и пришлец, якоже вси отцы мои; благ вечных наследнице и блаженная вечери в Царствии Небеснем причастнице, яко в странствии жития, Трапезы Божественныя угодения, сице и во исходе от мира желаемаго сподоби мя напутствования; и егда в конец сном смерти начну усыпати, коснися тогда изнемогающия плоти моея, яко иногда Ангел Илии, глаголющи: востани, яждь и пий: яко да благодатию Божественных Тела и Крове Тайн укреплен преиду в крепости яди тоя далекий путь смерти, даже до Горы Небесныя: и тамо, Егоже ты чрез три окна банныя прежде верою Бога Троицу узрела еси, Сего купно с тобою лицем к лицу да удостоюся видети и славити Его в некончаемыя веки. Аминь.
Молитва третья
Святая великомученице Христова Варваро! Моли с нами и о нас, рабах Божиих (имена), умоляемаго от Своего милосердия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, христианскую же кончину жития нашего безболезненну, непостыдну, мирну и Божественных Тайн причастну да дарует, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас, всегда, ныне и присно и во веки веков.
Молитва четвертая
К тебе, яко ко истинному скораго исцеления и многочуднаго врачевания источнику, святая дево Варваро великомученице, аз немощный прибегаю и к твоим святым мощам усердно припадая, молюся: виждь раны греховныя и всетелесную язву, виждь неможение души моея, и сие, обычным твоим милосердием и благостию понуждаема, исцелити потщися. Вонми гласу моления моего, не призри от окаяннаго ми сердца приносимое стенание, и вопль мой услыши, яко ты еси мое прибежище. Святую, единосущную и неразделимую Троицу, юже треми окнами в бане отеческой созданными изобразила еси, о мне грешнем и нетерпеливом рабе твоем моли, да помилует мя ныне и в день смерти моея. Поклонися Отцу Небесному: да мя, всеми грехми преклоненнаго и низу поверженнаго, воздвигнет на славословие Свое, и устроит мя всегда горе имети сердце, горняя мудрствовати, а не земная. Умоли Христа Сына Божия, иже молитву твою страдальческую в темнице услыша, да мя лениваго к молитвам, и во унынии мнози, аки в темнице седяща, к скорому течению путем заповедей Божиих наставит и подаст непрестанно молитися усердное хотение. Призови и Духа Святаго, чистоты неизнуряемаго Источника, в подвизе страдальческом тя, чистую деву, укрепляющего и от стыда крылома Своими защищающаго, яко да и мне студному и нечистому, сердце чисто созиждет и дух прав обновит во утробе моей: паче же да призовет ми и подаст усердно подвизатися в житии чистом и укрепит мя на творение благих дел. Верую, яко вся сия можеши мне, о святая великомученице Варваро, у Пресвятыя Троицы исходатайствовати: и аще восхощеши, сильна еси помощи мне, яко прославившая Бога во удесех твоих страдальческих. И вем, дево святая, яко ничтоже тебе невозможно, токмо аще не презриши слез и воздыхания моего: сего ради к честней святых мощей твоих чудотворных раце припадаю и тебе, на небеси душею пребывающей, поклоняяся, дерзаю молитвенно глаголати: да будут уши твои внемлюще гласу молитвы моея. Многострадальное твое тело да уврачует многия души и тела моего страсти. Глава твоя, мечу преклоненная, да даст главе моей воду чистительную грехов. Власи твои, немилостивно торганнии, да привяжут мя к любви Божией. Устне твои честнии да заградят уста моя от празднословия и отверзут всегда возвещати хвалу Господню. Очи твои, видящие свет троический, да узрят и мое во благих желание, яко да бых и аз отвращал очи мои, еже не видети суеты, но всегда взирал на блаженство небесное. Рука твоя отсечена да удостоит мя всегда воздевати руце к Вышнему и несплетати ими льщения. Сосца твоя, нещадно урезанная, да будут ми столп от лица вражия крепкий. Нози твои, скорошествующии со светлою свещею в чертог Божий к Жениху Небесному, да сотворят, яко да и аз ногама моима шествую ко всякому делу благу: да будет светильник ногама моима шествую ко всякому делу благу: да будет светильник ногама моима закон Господень и свет стезям моим. Раны твоя от ран греховных да свободят мя. Кровь твоя, многократне в мучении проливаемая, да очистит душу и тело мое от всякия скверны. Смерть твоя да не даст ми без исповедания и покаяния умрети: ибо аще в коем благодетельстве прославляема еси, но в сем наипаче, яко всяк, имеяй надежду на тя и выну в помощь призываяй тя, от наглыя избежит смерти, от неяже и мене окаяннаго избави, дево чистая, великомученице Варваро, и всемощными твоими молитвами удостой мя одесную Христа Сына Божия стати и слышати глас глаголющий: “благий рабе и верный, вниди в радость Господа твоего”. Аминь.
Тропарь великомученице Варваре
Тропарь, глас 8
Варвару святую почтим: вражия бо сети сокруши и, яко птица, избавися от них, помощию и оружием креста, всечестная.
Тропарь, глас 4
Агнице всеблаженная Варваро, божественне озарившися светом Святыя Троицы трисолнечным и в купели утвердившися в побеждение лести отеческия, веру исповедала еси Христову. Тем, всечестная, свыше благодать тебе дарова Бог, исцеляти недуги и болезни вся: Егоже моли, великомученице, да спасет души наша.
Кондак 1
Избранной Богом от идолослужительнаго рода и призванной во язык свят, в люди обновления, невесте Христове, яко избавляющийся тобою от различных зол и обстояний, благодарственная пения и хваления восписуем ти молитвенницы твои, святая и всехвальная великомученице: ты же, имущи дерзновение ко Господу, от всяких нас бед свободи, да с радостию зовем ти: Радуйся, Варваро, невесто Христова прекрасная.
Икос 1
Ангелом честную и вселюбезную чистоту непорочно сохранши, честная Варваро, Ангелом сожительница быти сподобилася еси, с нимиже егда поеши троическую песнь Богу на небеси, услыши нас, поющих тебе на земли похвальная пения сия: Радуйся, отроковице, Богом Отцем предуставленная быти сообразна в страдании образу Сына Его; радуйся, Сыном Божиим, Светом от Света, призванная из тьмы в чудный свет веры и благодати Его. Радуйся, яко позвавшему тя Святому Духу, и сама телом и духом свята еси; радуйся, яко от скверны плоти и духа непорочну себе соблюла еси. Радуйся, рожденному от Девы Жениху Христу деву тя чистую обручившая; радуйся, земнаго обручника паче Небеснаго знати не восхотевшая. Радуйся, крине девства, посреде терния идольскаго прорастший доле; радуйся, цвете чистоты, в неувядаемой славе цветущий горе. Радуйся, в Небесном вертограде Христова благоухания наслаждающаяся; радуйся, Краснейшаго паче сынов человеческих зрением тамо утешающаяся. Радуйся, убелившая ризы твоя в Крови Агнчей на земли; радуйся, в лице девственном последующая Божиему Агнцу на Небеси. Радуйся, Варваро, невесто Христова прекрасная.
Кондак 2
Видящи святая Варвара себе на высоком столпе от отца поставлену, помышляше себе манием Божиим к Небеси быти возводиму. Разумная убо восхождения в сердце своем положши, теми от тьмы к Свету и от прелестных идолов ко Истинному Богу умне восхождаше, поющи Ему: Аллилуиа.
Икос 2
Разум неуразуменный о Едином всея твари Творце разумети дева святая Варвара ищущи, беседоваше со своим си разумом, глаголющи: “От темных кумиров чудным светилам небесным како бе создатися мощно, рцы ми”. К нейже он со Псаломником рече: “Вси Бозе язык бесове, Един же есть Бог и Господь, Иже небеса и вся светила их сотвори”. Таковому твоему, мудрая дево, разуму дивящеся, глаголем: Радуйся, паче старец идолослужительных разумнейшая; радуйся, паче мудрецев мира сего мудрейшая. Радуйся, яко тебе безвестная и тайная премудрости Своея Бог явил есть; радуйся, яко тебе истиннаго богословия Сам Бог Слово научил есть. Радуйся, всех звездочетцев умом Христовым превозшедшая; радуйся, явственнее паче оных Небесный круг прозревшая. Радуйся, яко в твари, аки в зерцале, Самаго Творца усмотрела еси; радуйся, яко в созданных светилах Несозданный Свет узрела еси. Радуйся, ныне уже кроме зерцала свет лица Божия на Небеси зрящая; радуйся, тем светом неизреченно веселящаяся. Радуйся, умная звездо, еяже озарением лице Божие, яко солнце, светло нам является; радуйся, мысленная луно, еюже нощь заблуждения яко день просвещается. Радуйся, Варваро, невесто Христова прекрасная.
Кондак 3
Сила Вьшняго даде тогда святей Варваре, якоже древле пророку Иезекиилю, лице адамантово, сильно пред всеми идолослужительми, во еже не убоятися ей от зверскаго лица их, ни ужасатися лютаго прещения. Темже со дерзновением мужемудренная дева взываше: “Троицу чту, Едино Божество, и Той верою покланяющися, велегласно пою: Аллилуиа”.
Икос 3
Имущи святая Варвара Свыше данную себе мудрость, востече к делателем бани отеческия, и онем проявляя тайну Святыя Троицы, повеле три окна в бане устроити. “Аще, - рече, - идолослужителие уста имут и не глаголют славы истиннаго Бога, то каменныя в сей бане стены треми окнами, аки треми устнами, да свидетельствуют, яко Един есть Бог, в Троице Святей от всея твари славимый и покланяемый”. За таковое убо мудрование, святая Варваро, приими похвалу сию: Радуйся, в треоконной бане купель святаго Крещения, во имя Троицы Пресвятыя, изобразившая; радуйся, в купели воды и Духа, к сим же и крове твоея мученическия, тебе измывшая. Радуйся, яко треми окнами тьму многобожия, Троице Святей противнаго, прогнала еси; радуйся, яко окнами треми Свет Троический ясно узрела еси. Радуйся, яко теми треми окнами призре на тя Солнце Правды, тридневно возсиявшее от гроба; радуйся, яко теми тебе возсия день Троического спасения. Радуйся, сердце твое Единому в Троице Богу всегда отверсто имевшая; радуйся, чувства твоя пред бранию триех врагов, плоти, мира и диавола, крепко заключившая. Радуйся, яко в души твоей три мысленная окна, веры, надежды и любве, устроила еси; радуйся, яко теми треми окнами при Троическом Божестве треми деньми воздвиженную Тела Христова Церковь усмотрела еси. Радуйся, яко тебе Небеса от триех иерархий ангельских отверзошася; радуйся, яко тебе Горния обители Троическия радостно прияша. Радуйся, Варваро, невесто Христова прекрасная.
Кондак 4
Буря ярости велия отца твоего, дышущаго прещением и убийством, возшуме на храм души твоея, святая Варваро, но того не возможе поколебати: основан бо бе на твердом веры Христовы камени, на немже ты, мудрая дево, неподвижимо стоящи, укрепляющему тя Иисусу Христу песнь воспевала еси: Аллилуиа.
Икос 4
Слышав от тебе, мудрыя дщери, отец твой Диоскор неслышанная о Святей Троице словеса, яко аспид глухий затка уши своя и по подобию змиину с жалом ядоносным устремися со острием меча на твое убийство: но ты, невесто Христова Варваро, подражающи Жениха твоего Иисуса, бежавшаго от меча Иродова, бегала еси от меча Диоскорова, желающи сердце его от зверския ярости в любовь отеческую обратити. Мы же разумное твое бегство звании почитаем сими: Радуйся, блаженная, изгнанная из дому земнаго правды ради; радуйся, богатая в Бога, лишенная отеческих богатств Христа ради. Радуйся, яко твоего обнищания есть Царствие Небесное; радуйся, яко тебе уготовася вечных благ сокровище. Радуйся, словесная агнице, от злаго волка мучителя к Доброму Пастырю Христу прибегшая; радуйся, во двор праведных овец Его, одесную стоящих, вшедшая. Радуйся, незлобивая голубице, от земнаго врана в покров Небеснаго Орла прелетевшая; радуйся, в крове крилу Его добрый себе покров обретшая. Радуйся, Небеснаго Отца дщи честная, яко от земнаго родителя с безчестием на смерть гонима была еси; радуйся, яко от безсмертнаго Господа Славы в Жизнь Вечную со славою прията еси. Радуйся, тояжде и нам жизни присножелающая ходатаице; радуйся, прилежная о нас к Богу молитвеннице. Радуйся, Варваро, невесто Христова прекрасная.
Кондак 5
Боготечной звезде была еси подобна, святая великомученице Варваро: бежащи бо пред отцем твоим, наставляла еси того таинственно на путь, ведущий ко Праведному Солнцу, от Девы возсиявшему, Христу Богу. Обаче он душевныма ослеплен очима, абие и телесныма не узре тя пред собою бежащую: ты бо сквозе каменную, тебе велением Божиим разступившуюся, гору прошедши, скрылася еси от очию его в каменней пещере, да от среды камения, яко птица, даси глас Богу, воспевающи: Аллилуиа.
Икос 5
Видевше тя пастырие, верху горы овцы пасущии, в камени крыющуюся, дивляхуся, глаголюще: что сия словесная агница? Коего волка бегает? И се Диоскор, паче волка лютейший, востече на гору, и тебе тамо крыющуюся обрет, и похитив за девическия твоя власы, влечаше ко своему дому по жестокому пути, на немже тя вернии сретаем приветствии сими: Радуйся, младому еленю на горах ароматских уподобившаяся; радуйся, горняя, паче дольних восхождения в сердце твоем полагающи, возлюбившая. Радуйся, избывшая погибельнаго идолослужения рова; радуйся, на гору Троическаго поклонения востекшая. Радуйся, сквозе камение прошедшая, от каменносердаго бегающи гонения; радуйся, среде камения Камень Христа, утверждающаго тя, обретшая. Радуйся, в пещеру каменную вшедшая, видети Иисуса во гробе каменном бывша положенна; радуйся, уже Того видящая на Престоле Славы седяща. Радуйся, яко власы главы твоея за Христа, хранящаго, да и влас главы человеческия не погибнет, исторжени суть на земли; радуйся, яко тии от Христа изочтени суть ко увенчанию на Небеси. Радуйся, власы твоя кровию доле, яко цветами, обагрившая; радуйся, заплетение власов твоих окровавленных в венец тебе златый обратившая. Радуйся, Варваро, невесто Христова прекрасная.
Кондак 6
Проповедником богоносным, апостолом Христовым, поревновавши дерзновенно, пред лицем мучителей проповедала еси Христа Истиннаго Бога: и Его ради лютыя раны, власяными рубы к острым чрепием болезненно потираемыя, мужественно претерпела еси, святая Варваро. Также в темницу всаждена, в ней аки в чертозе о Христе Иисусе ликовала еси, поющи Ему: Аллилуиа.
Икос 6
Возсиявый в сердце твоем просвещение истиннаго богоразумия, возсия и во очесех твоих свет Божественнаго лица Своего Христос Господь: Той бо, яко возлюбленный твой Жених, в полунощи к тебе, непорочней Своей невесте, в темницу пришед, любезно тя посети, от ран исцели и светлостию Лица Своего неизреченно душу твою возвесели, нас же верных научи пети тебе сицевая: Радуйся, за страдавшаго биение Христа нещадно биенная; радуйся, биения терпением невидимаго врага убившая. Радуйся, язвы Господа Твоего на теле твоем носившая; радуйся, от всех язв, Темжде Господем, на теле твоем исцелевшая. Радуйся, яко Сам Господь, Свет мира, тебе в темнице бывшей Себе явил есть; радуйся, яко Сам души и тела Врач тебе больную посетил есть. Радуйся, чрез земную темницу в Небесный Чертог светло вшедшая; радуйся, от кровей твоих брачную тебе одежду исткавшая. Радуйся, яко тобою от многих ран грешнии исцеляются; радуйся, яко тобою от всех болезней с верою тя призывающии уздравляются. Радуйся, уз греховных скорая решительнице; радуйся, язв многозлобных добрая целебнице. Радуйся, Варваро, невесто Христова прекрасная.
Кондак 7
Хотящу безумному мучителю желание свое улучити и еще покушающемуся ласкательными словесы тебе, святая Варваро, от Истиннаго Бога отвратити ко прелестным идолом, ты, яко мудрая дева, отвещала еси тому: “Первее твердый адамант в мягкий воск претвориши, нежели мене отвратиши от Христа Бога моего: Того бо, со Отцем и Святым Духом, Единаго Истиннаго Бога исповедую, славлю, и хвалю, и пою Ему: Аллилуиа”.
Икос 7
Новую показа безчеловечия ярость зверообразный мучитель, егда тебе, святая великомученице Варваре, повеле на древе повесити, и ноготьми железными тело твое строгати, и свещами горящими твоя опаляти ребра, еще же и млатом во главу тяжко бити. Сие пачеестественное терпение твое благоговейно воспоминающе, похвалами блажим тя сими: Радуйся, яко повешена была еси на древе, Христа ради на Кресте распятаго; радуйся, яко строгана по ребром Иисуса ради, копием в ребра прободеннаго. Радуйся, яко огнь любве к Богу в сердце твоем возжегла еси; радуйся, яко за Того огненными свещами палима была еси. Радуйся, твердейшая адаманта в терпении невредимом; радуйся, крепчайшая каменнаго столпа в мужестве непоколебимом. Радуйся, яко млатом, бившим тя по главе, венец Царствия тебе исковася; радуйся, яко темже млатом глава врага твоего сокрушися. Радуйся, яко со Христом, Его ради, на земли страдала еси; радуйся, яко с Ним и о Нем на Небеси прославляешися. Радуйся, всех врагов наших крепкая победительнице; радуйся, во всех бедах наших скорая помощнице. Радуйся, Варваро, невесто Христова прекрасная.
Кондак 8
Странное и страшное святыя Варвары страдание видящи, благоверная в женах Иулиания удивися зело, како млада отроковица в юностнем телеси таковыя мужественно за Христа терпит муки; таже, слезнаго исполнившися умиления, благодарственно и та возопи Христу Богу: Аллилуиа.
Икос 8
Весь Сладчайший Иисус сладость, весь желание тебе бысть, святая Варваро; сладце бо Его ради горькия терпела еси муки, глаголющи: “Чашу страданий, юже даде ми Возлюбленный мой Жених, не имам ли пити?” Темже и сама показалася еси чаша, сладость чудесных исцелений изливающая всем вопиющим к тебе сицевая: Радуйся, отвергшая во адское горе идольскую горесть; радуйся, возлюбившая Небесную Иисусову сладость. Радуйся, мысленная стамно, манну брашна творения воли Божия в себе имущая; радуйся, верных во благих желание исполняющая. Радуйся, реко исполненная благодати Божия водами; радуйся, источниче, кипящий чудес излиянии. Радуйся, яко пчела, от зловонного идольских жертв дыма отлетевшая; радуйся, во благоуханную мира Христова воню сладце притекшая. Радуйся, яко твоими во всем теле язвами была еси подобна соту; радуйся, яко крове твоея капли сладчайшия паче меда быша Пресладкому Иисусу. Радуйся, яко всем верным воспоминание твое пресладко; радуйся, яко всей Церкви Христовой имя твое пречестно. Радуйся, Варваро, невесто Христова прекрасная.
Кондак 9
Все естество ангельское велиею возрадовася радостию, узревши мужественную крепость твою, святая и непобедимая мученице Варваро: видевше бо ангельскии чинове ветхаго врага, прегордаго князя тьмы, со всем его бесовским и идольским полчищем от тебе, единыя младыя девы, посрамленнаго, побежденнаго же и под нозе твои поверженнаго, велиим гласом возопиша Богу: Аллилуиа.
Икос 9
Ветии многовещаннии риторскими своими языки не возмогут изрещи величества твоих болезненных страданий, о Варваро: кто бо скажет болезнь твою, колика бе, егда сосца твоя урезана быша? Кто изречет студ лица девическаго, егда обнажена по всему граду от беззаконных мучителей водима была еси? Сицевую болезнь и безчестие твое мы точию воспомянувше, содрогаемся и со умилением глаголем сице: Радуйся, добрая леторасле сада Иисусова; радуйся, истинная лозо винограда Христова. Радуйся, два сосца твоя отрезанная, аки два грезна в честь Господеви твоему принесшая; радуйся, кровь твою, аки вино умиления, от тех источившая. Радуйся, яко Христа ради обнаженнаго и ты риз твоих совлечена была еси; радуйся, яко Его ради, во Иерусалиме ругательно водимаго, и ты по граду на поругание водима была еси. Радуйся, от Ангела светлою одеждою в наготе твоей одеянная; радуйся, тою от студных очес невидимо покровенная. Радуйся, чудный ангелом и человеком позор бывшая; радуйся, и самех мучителей терпением твоим удивившая. Радуйся, яко Сам Господь Свыше призре на твоя страдания; радуйся, яко Сам Той Подвигоположник похвали подвиги твоя. Радуйся, Варваро, невесто Христова прекрасная.
Кондак 10
Спасти хотя душу твою, о теле твоем всячески нерадила еси, святая Варваро: егда бо на тя мечное на смерть осуждение изыде, ты под меч острый, аки под венец, красный, радостно идущи, Богу, в мученическом подвизе тебе укрепляющему, воспевала еси песнь: Аллилуиа.
Икос 10
Стены каменныя твердее окамененный сердцем бысть Диоскор, твой, святая Варваро, не уже родитель, но лютый мучитель: той бо, яко услыша твое мечное на смерть осуждение, не точию о смерти твоей не поболе, но и сам своим мечем на месте осуждения твою святую усече главу, и тако, по предречению Господню, окаянный отец предаде на смерть свое чадо. В той убо блаженней твоей кончине приими от нас пения сия: Радуйся, за главу Церкви - Христа под меч главу твою преклоншая; радуйся, за любовь к Небесному человеколюбивому Отцу Безсмертному на смерть от земнаго безчеловечнаго отца тленнаго преданная. Радуйся, течение мученическаго пути скончавшая добре; радуйся, веру безсмертному Обручнику Христу до смерти сохраншая бодре. Радуйся, силою Свыше на брань противу сил преисподних препоясанная; радуйся, победоносною славою в Вышних от Христа Победителя одеянная. Радуйся, оружием благоволения Божия венчанная на земли; радуйся, цветом нетления украшенная на Небеси. Радуйся, девам доброто и похваление; радуйся, мучеником красоте и радование. Радуйся, христианом крепкое прибежище; радуйся, верным твердое заступление. Радуйся, Варваро, невесто Христова прекрасная.
Кондак 11
Пение наше похвальное, аще бы и тьмочисленное, вемы, яко несть довольно по достоянию восхвалити тя, святая и всехвальная мученице Варваро: обаче мы, Божиих тобою нам обильно подаваемых дарований благодарни суще, Богу, в тебе Своими благодеянии прославляемому, благодарственными усты поем: Аллилуиа.
Икос 11
Светоприемную свещу, на Небеснем свещнице пред Престолом Святыя Троицы поставленную, зрим умныма очима тебе, святая дево Варваро: отонудуже, егда нощный грехов наших мрак лучами молитв твоих просвещаеши и нас на светлую спасения стезю наставляеши, по долгу достойна еси от нас званием быти почитаема сим: Радуйся, светоумная луче, во светлость немерцающую прилученная; радуйся, мысленная деннице, день невечерний озаряти возшедшая. Радуйся, благовонная смирно, Церковь Христову благоухающая; радуйся, златая кадильнице, фимиам молитвы о нас к Богу приносящая. Радуйся, мироположнице исцелений неоскудная; радуйся, сокровище Божиих даров неиждивительное. Радуйся, чаше, от обилия дому Божия черплющая радость; радуйся, сосуде, от исполнения Христова приемлющий всех благ Небесных сладость. Радуйся, адаманте, перстень безсмертнаго со Христом обручения украсивый; радуйся, венче доброты, в руце Господней держимый. Радуйся, яко на тя Царь Славы, Господь Сил, славу и велелепие возложил есть; радуйся, яко тебе Царь царствующих и Господь господствующих Царство Свое и господствие даровал есть. Радуйся, Варваро, невесто Христова прекрасная.
Кондак 12
Благодать от Бога дана ти есть, хранити и соблюдати от внезапныя болезни и наглыя смерти всякаго человека, верою, любовию и благоговением честная твоя страдания воспоминающаго и почитающаго; тоя благодати не лиши и нас, добрая дево Варваро, да и мы, здрави суще телом и духом в нынешней и будущей жизни о тебе поем Богу: Аллилуиа.
Икос 12
Поем твоя крепкия подвиги, почитаем страдания, хвалим долготерпение, ублажаем святую твою кончину, славим твое в немощнем теле показавшееся непобедимое мужество, имже на земли и на Небеси прославилася еси, святая и добропобедная великомученице Варваро, и в честь твоих победоносных подвигов и страданий похваль-ная восписуем ти сия: Радуйся, от ангельских чинов в сожительство их любезно приятая; радуйся, от девственных ликов в чертог Небесный радостно введенная. Радуйся, от мученических полков под венец славы провождаемая во гласе радования; радуйся, от всех жителей Небесных приемшая о Господе целование. Радуйся; яко мзда твоя многа есть на Небесех; радуйся яко радость твоя вечна есть во светлости святых. Радуйся, от враг видимых и невидимых крепкая нам заступнице; радуйся, радости нам, благодати же и славы вечныя ходатаице. Радуйся, душевных и телесных недугов наших целительнице; радуйся, спасительных благ земных и небесных подательнице. Радуйся, яко тобою от нечаянныя и вечныя смерти сохранени быти уповаем; радуйся, яко тобою вечную жизнь улучити благонадежно чаем. Радуйся, Варваро, невесто Христова прекрасная.
Кондак 13
О многострадальная и всехвальная святая великомученице Варваро! Нынешнее наше моление приемши, от всяких болезней душевных и телесных и враг видимых и невидимых нас избави, и от вечнаго мучения твоим богоприятным ходатайством сохрани, да с тобою на земли живых во веки поем Богу: Аллилуиа.
(Этот кондак читается трижды, затем икос 1 и кондак 1)
Молитвы ко святой великомученице Варваре
Молитва первая
Святая славная и всехвальная великомученице Варваро! Собраннии днесь в храме твоем Божественном люди, раце мощей твоих поклоняющиися и любовию целующии, страдания же твоя мученическая, и в них самого Страстоположника Христа, давшаго тебе не точию еже в Него веровати, но и еже по Нем страдати, похвалами ублажающе, молим тя, известная желания нашего ходатаице: моли с нами и о нас, умоляемаго от Своего благоутробия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, и дарует христианскую кончину животу нашему - безболезненну, непостыдну, мирну, Божественных Тайн причастну, и всем, на всяком месте, во всякой скорби и обстоянии требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас всегда, ныне и присно, и во веки веков, аминь.
Молитва вторая
Премудрая и всекрасная святая великомученице Христова Варваро! Блаженна еси, яко Премирная мудрость Божия плоть и кровь не яви тебе, но Сам Бог Отец Небесный, Иже тебе, верь ради от невернаго отца оставленную, изгнанную и умерщвленную, в дщерь Себе возлюбленную прият; за тленное земнаго имения наследие плоти нетление дарова; труды мученическия упокоением Небеснаго измени Царствия; временное твое житие, смертию Его ради пресеченное, сицевою воспрослави почестию, яко душу с лики Небесных вчини духов, тело же, на земли в храме их ангельском положенное, ангелом заповеда сохранити цело, честно и многочудесно. Блаженна еси, Христу Сыну Божию, Жениху Небесному, уневещанная Дево, Егоже доброты твоея Рачителя имети желающи, всю себе страданием, ранами, удов резанием и самыя главы усечением, аки тварьми дражайшими, потщалася еси украсити: да тако, яко жена, верна главе своей - мужу, Христу духом и телом соединишися неразлучно, глаголющи: обретох, Егоже возлюби душа моя, удержах Его и не оставих Его. Блаженна еси, яко Святый Дух на тебе почил есть, имже духовными духовная разсуждати научена, вся духи лукавствия во идолех яко пагубныя отринула еси и Единаго Бога Духа познавши, яко истинная поклонница, духом и истиною кланятися изволила еси, проповеднически глаголющи: “Троицу чту, Едино Божество”. Сию Святую Троицу, Юже в животе и смерти исповеданием и страданием своим прославила еси, умоли о мне, предстательнице моя, яко да и аз всегда тройственною веры, любве и надежды добродетелию. Туюжде Святую Троицу почитаю. Имам светильник веры, но празден благих дел елеа: ты, мудрая дево, страдальческую плоть твою, крове исполненную и ранами проливающуюся, аки светильник имущая, даждь от елеа твоего, да тем душевную мою свещу украсивши, сподоблюся по тебе в Чертог Небесный. Пресельник аз есмь на земли и пришлец, якоже вси отцы мои; благ вечных наследнице и блаженная вечери в Царствии Небеснем причастнице, яко в странствии жития, Трапезы Божественныя угодения, сице и во исходе от мира желаемаго сподоби мя напутствования; и егда в конец сном смерти начну усыпати, коснися тогда изнемогающия плоти моея, яко иногда Ангел Илии, глаголющи: востани, яждь и пий: яко да благодатию Божественных Тела и Крове Тайн укреплен преиду в крепости яди тоя далекий путь смерти, даже до Горы Небесныя: и тамо, Егоже ты чрез три окна банныя прежде верою Бога Троицу узрела еси, Сего купно с тобою лицем к лицу да удостоюся видети и славити Его в некончаемыя веки. Аминь.
Молитва третья
Святая великомученице Христова Варваро! Моли с нами и о нас, рабах Божиих (имена), умоляемаго от Своего милосердия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, христианскую же кончину жития нашего безболезненну, непостыдну, мирну и Божественных Тайн причастну да дарует, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас, всегда, ныне и присно и во веки веков.
Молитва четвертая
К тебе, яко ко истинному скораго исцеления и многочуднаго врачевания источнику, святая дево Варваро великомученице, аз немощный прибегаю и к твоим святым мощам усердно припадая, молюся: виждь раны греховныя и всетелесную язву, виждь неможение души моея, и сие, обычным твоим милосердием и благостию понуждаема, исцелити потщися. Вонми гласу моления моего, не призри от окаяннаго ми сердца приносимое стенание, и вопль мой услыши, яко ты еси мое прибежище. Святую, единосущную и неразделимую Троицу, юже треми окнами в бане отеческой созданными изобразила еси, о мне грешнем и нетерпеливом рабе твоем моли, да помилует мя ныне и в день смерти моея. Поклонися Отцу Небесному: да мя, всеми грехми преклоненнаго и низу поверженнаго, воздвигнет на славословие Свое, и устроит мя всегда горе имети сердце, горняя мудрствовати, а не земная. Умоли Христа Сына Божия, иже молитву твою страдальческую в темнице услыша, да мя лениваго к молитвам, и во унынии мнози, аки в темнице седяща, к скорому течению путем заповедей Божиих наставит и подаст непрестанно молитися усердное хотение. Призови и Духа Святаго, чистоты неизнуряемаго Источника, в подвизе страдальческом тя, чистую деву, укрепляющего и от стыда крылома Своими защищающаго, яко да и мне студному и нечистому, сердце чисто созиждет и дух прав обновит во утробе моей: паче же да призовет ми и подаст усердно подвизатися в житии чистом и укрепит мя на творение благих дел. Верую, яко вся сия можеши мне, о святая великомученице Варваро, у Пресвятыя Троицы исходатайствовати: и аще восхощеши, сильна еси помощи мне, яко прославившая Бога во удесех твоих страдальческих. И вем, дево святая, яко ничтоже тебе невозможно, токмо аще не презриши слез и воздыхания моего: сего ради к честней святых мощей твоих чудотворных раце припадаю и тебе, на небеси душею пребывающей, поклоняяся, дерзаю молитвенно глаголати: да будут уши твои внемлюще гласу молитвы моея. Многострадальное твое тело да уврачует многия души и тела моего страсти. Глава твоя, мечу преклоненная, да даст главе моей воду чистительную грехов. Власи твои, немилостивно торганнии, да привяжут мя к любви Божией. Устне твои честнии да заградят уста моя от празднословия и отверзут всегда возвещати хвалу Господню. Очи твои, видящие свет троический, да узрят и мое во благих желание, яко да бых и аз отвращал очи мои, еже не видети суеты, но всегда взирал на блаженство небесное. Рука твоя отсечена да удостоит мя всегда воздевати руце к Вышнему и несплетати ими льщения. Сосца твоя, нещадно урезанная, да будут ми столп от лица вражия крепкий. Нози твои, скорошествующии со светлою свещею в чертог Божий к Жениху Небесному, да сотворят, яко да и аз ногама моима шествую ко всякому делу благу: да будет светильник ногама моима шествую ко всякому делу благу: да будет светильник ногама моима закон Господень и свет стезям моим. Раны твоя от ран греховных да свободят мя. Кровь твоя, многократне в мучении проливаемая, да очистит душу и тело мое от всякия скверны. Смерть твоя да не даст ми без исповедания и покаяния умрети: ибо аще в коем благодетельстве прославляема еси, но в сем наипаче, яко всяк, имеяй надежду на тя и выну в помощь призываяй тя, от наглыя избежит смерти, от неяже и мене окаяннаго избави, дево чистая, великомученице Варваро, и всемощными твоими молитвами удостой мя одесную Христа Сына Божия стати и слышати глас глаголющий: “благий рабе и верный, вниди в радость Господа твоего”. Аминь.
Тропарь великомученице Варваре
Тропарь, глас 8
Варвару святую почтим: вражия бо сети сокруши и, яко птица, избавися от них, помощию и оружием креста, всечестная.
Тропарь, глас 4
Агнице всеблаженная Варваро, божественне озарившися светом Святыя Троицы трисолнечным и в купели утвердившися в побеждение лести отеческия, веру исповедала еси Христову. Тем, всечестная, свыше благодать тебе дарова Бог, исцеляти недуги и болезни вся: Егоже моли, великомученице, да спасет души наша.
Кондак 1
И збранной Богом от идолослужительнаго рода и призванной во язык свят, в люди обновления, невесте Христове, яко избавляющиися тобою от различных зол и обстояний, благодарственная пения и хваления восписуем ти молитвенницы твои, святая и всехвальная великомученице: ты же, имущи дерзновение ко Господу, от всяких нас бед свободи, да с радостию зовем ти:
Икос 1
А нгелом честную и вселюбезную чистоту непорочно сохранши, честная Варваро, Ангелом сожительница быти сподобилася еси, с нимиже егда поеши троическую песнь Богу на Небеси, услыши нас, поющих тебе на земли похвальная пения сия:
Радуйся, отроковице, Богом Отцем предуставленная быти сообразна в страдании образу Сына Его; радуйся, Сыном Божиим, Светом от Света, призванная из тьмы в чудный свет веры и благодати Его.
Радуйся, яко позвавшему тя Святому Духу, и сама телом и духом свята еси; радуйся, яко от скверны плоти и духа непорочну себе соблюла еси.
Радуйся, рожденному от Девы Жениху Христу деву тя чистую обручившая; радуйся, земнаго обручника паче Небеснаго знати не восхотевшая.
Радуйся, крине девства, посреде терния идольскаго прорастший доле; радуйся, цвете чистоты, в неувядаемой славе цветущий горе.
Радуйся, в Небесном вертограде Христова благоухания наслаждающаяся; радуйся, Краснейшаго паче сынов человеческих зрением тамо утешающаяся.
Радуйся, убелившая ризы твоя в Крови Агнчей на земли; радуйся, в лице девственном последующая Божиему Агнцу на Небеси.
Радуйся, Варваро, невесто Христова прекрасная.
Кондак 2
В идящи святая Варвара себе на высоком столпе от отца поставлену, помышляше себе манием Божиим к Небеси быти возводиму. Разумная убо восхождения в сердце своем положиши, теми от тьмы к Свету и от прелестных идолов ко истинному Богу умне восхождаше, поющи Ему: Аллилуиа.
Икос 2
Р азум неуразуменный о Едином всея твари Творце разумети дева святая Варвара ищущи, беседоваше со своим си разумом, глаголющи: «От темных кумиров чудным светилам небесным како бе создатися мощно, рцы ми». К нейже он со Псаломником рече: «Вси бозе язык бесове, Един же есть Бог и Господь, Иже небеса и вся светила их сотвори». Таковому твоему, мудрая дево, разуму дивящеся, глаголем:
Радуйся, паче старец идолослужительных разумнейшая; радуйся, паче мудрецев мира сего мудрейшая.
Радуйся, яко тебе безвестная и тайная премудрости Своея Бог явил есть; радуйся, яко тебе истиннаго богословия Сам Бог Слово научил есть.
Радуйся, всех звездочетцев умом Христовым превозшедшая; радуйся, явственнее паче оных Небесный круг прозревшая.
Радуйся, яко в твари, аки в зерцале, Самаго Творца усмотрела еси; радуйся, яко в созданных светилах Несозданный Свет узрела еси.
Радуйся, ныне уже кроме зерцала свет лица Божия на Небеси зрящая; радуйся, тем светом неизреченно веселящаяся.
Радуйся, умная звездо, еяже озарением лице Божие, яко солнце, светло нам является; радуйся, мысленная луно, еюже нощь заблуждения яко день просвещается.
Радуйся, Варваро, невесто Христова прекрасная.
Кондак 3
С ила Вышняго даде тогда святей Варваре, якоже древле пророку Иезекиилю, лице адамантово, сильно пред всеми идолослужительми, во еже не убоятися ей от зверскаго лица их, ни ужасатися лютаго прещения. Темже со дерзновением мужемудренная дева взываше: «Троицу чту, Едино Божество, и Той верою покланяющися, велегласно пою: Аллилуиа».
Икос 3
И мущи святая Варвара свыше данную себе мудрость, востече к делателем бани отеческия, и онем проявляя тайну Святыя Троицы, повеле три окна в бане устроити. «Аще,- рече,- идолослужителие уста имут и не глаголют славы истиннаго Бога, то каменныя в сей бане стены треми окнами, аки треми устнами, да свидетельствуют, яко Един есть Бог, в Троице Святей от всея твари славимый и покланяемый». За таковое убо мудрование, святая Варваро, приими похвалу сию:
Радуйся, в треоконной бане купель Святаго Крещения, во имя Троицы Пресвятыя, изобразившая; радуйся, в купели воды и Духа, к сим же и крове твоея мученическия, тебе измывшая.
Радуйся, яко треми окнами тьму многобожия, Троице Святей противнаго, прогнала еси; радуйся, яко окнами треми Свет Троический ясно узрела еси.
Радуйся, яко теми треми окнами призре на тя Солнце Правды, тридневно возсиявшее от гроба; радуйся, яко теми тебе возсия день Троическаго спасения.
Радуйся, сердце твое Единому в Троице Богу всегда отверсто имевшая; радуйся, чувства твоя пред бранию триех врагов, плоти, мира и диавола, крепко заключившая.
Радуйся, яко в души твоей три мысленная окна, веры, надежды и любве, устроила еси; радуйся, яко теми треми окнами при Троическом Божестве треми деньми воздвиженную Тела Христова Церковь усмотрела еси.
Радуйся, яко тебе Небеса от триех иерархий ангельских отверзошася; радуйся, яко тебе Горния обители Троическия радостно прияша.
Радуйся, Варваро, невесто Христова прекрасная.
Кондак 4
Б уря ярости велия отца твоего, дышущаго прещением и убийством, возшуме на храм души твоея, святая Варваро, но того не возможе поколебати: основан бо бе на твердом веры Христовы камени, на немже ты, мудрая дево, неподвижимо стоящи, укрепляющему тя Иисусу Христу песнь воспевала еси: Аллилуиа.
Икос 4
С лышав от тебе, мудрыя дщери, отец твой Диоскор неслышанная о Святей Троице словеса, яко аспид глухий затка уши своя и по подобию змиину с жалом ядоносным устремися со острием меча на твое убийство; но ты, невесто Христова Варваро, подражающи Жениха твоего Иисуса, бежавшаго от меча Иродова, бегала еси от меча Диоскорова, желающи сердце его от зверския ярости в любовь отеческую обратити. Мы же разумное твое бегство звании почитаем сими:
Радуйся, блаженная, изгнанная из дому земнаго Правды ради; радуйся, богатая в Бога, лишенная отеческих богатств Христа ради.
Радуйся, яко твоего обнищания есть Царствие Небесное; радуйся, яко тебе уготовася вечных благ сокровище.
Радуйся, словесная агнице, от злаго волка мучителя к Доброму Пастырю Христу прибегшая; радуйся, во двор праведных овец Его, одесную стоящих, вшедшая.
Радуйся, незлобивая голубице, от земнаго врана в покров Небеснаго Орла прелетевшая; радуйся, в крове крилу Его добрый себе покров обретшая.
Радуйся, Небеснаго Отца дщи честная, яко от земнаго родителя с безчестием на смерть гонима была еси; радуйся, яко от безсмертнаго Господа Славы в Жизнь Вечную со славою прията еси.
Радуйся, тояжде и нам жизни присножелающая ходатаице; радуйся, прилежная о нас к Богу молитвеннице.
Радуйся, Варваро, невесто Христова прекрасная.
Кондак 5
Б оготечной звезде была еси подобна, святая великомученице Варваро: бежащи бо пред отцем твоим, наставляла еси того таинственне на путь, ведущий ко Праведному Солнцу, от Девы возсиявшему, Христу Богу. Обаче он душевныма ослеплен очима, абие и телесныма не узре тя пред собою бежащую: ты бо сквозе каменную, тебе велением Божиим разступившуюся гору прошедши, скрылася еси от очию его в каменней пещере, да от среды камения, яко птица, даси глас Богу, воспевающи: Аллилуиа.
Икос 5
В идевше тя пастырие, верху горы овцы пасущии, в камени крыющуюся, дивляхуся, глаголюще: что сия словесная агница? Коего волка бегает? И се Диоскор, паче волка лютейший, востече на гору, и тебе, тамо крыющуюся обрет, и похитив за девическия твоя власы, влечаше ко своему дому по жестокому пути, на немже тя вернии сретаем приветствии сими:
Радуйся, младому еленю на горах ароматских уподобившаяся; радуйся, горняя паче дольних восхождения в сердце твоем полагающи, возлюбившая.
Радуйся, избывшая погибельнаго идолослужения рова; радуйся, на гору Троическаго поклонения востекшая. Радуйся, сквозе камение прошедшая, от каменносердаго бегающи гонения; радуйся, среде камения Камень Христа, утверждающаго тя, обретшая.
Радуйся, в пещеру каменную вшедшая, видети Иисуса во гробе каменном бывша положенна; радуйся, уже Того видящая на Престоле Славы седяща.
Радуйся, яко власы главы твоея за Христа, хранящаго, да и влас главы человеческия не погибнет, исторжени суть на земли; радуйся, яко тии от Христа изочтени суть ко увенчанию твоему на Небеси.
Радуйся, власы твоя кровию доле, яко цветами, обагрившая; радуйся, заплетение власов твоих окровавленных в венец тебе златый обратившая.
Радуйся, Варваро, невесто Христова прекрасная.
Кондак 6
П роповедником богоносным, апостолом Христовым поревновавши дерзновенно, пред лицем мучителей проповедала еси Христа Истиннаго Бога; и Его ради лютыя раны, власяными рубы и острым чрепием болезненно потираемыя, мужественно претерпела еси, святая Варваро. Таже в темницу всаждена, в ней аки в чертозе о Христе Иисусе ликовала еси, поющи Ему: Аллилуиа.
Икос 6
В озсиявый в сердце твоем просвещение истиннаго богоразумия, возсия и во очесех твоих свет Божественнаго лица Своего Христос Господь: Той бо, яко возлюбленный твой Жених, в полунощи к тебе, непорочней Своей невесте, в темницу пришед, любезно тя посети, от ран исцели, и светлостию лица Своего неизреченно душу твою возвесели, нас же верных научи пети тебе сицевая:
Радуйся, за страдавшаго биение Христа нещадно биенная; радуйся, биения терпением невидимаго врага убившая.
Радуйся, язвы Господа твоего на теле твоем носившая; радуйся, от всех язв, Темжде Господем, на теле твоем исцелевшая.
Радуйся, яко Сам Господь, Свет мира, тебе в темнице бывшей Себе явил есть; радуйся, яко Сам души и тела Врач тебе больную посетил есть.
Радуйся, чрез земную темницу в Небесный Чертог светло вшедшая; радуйся, от кровей твоих брачную тебе одежду исткавшая.
Радуйся, яко тобою от многих ран грешнии исцеляются; радуйся, яко тобою от всех болезней с верою тя призывающии уздравляются.
Радуйся, уз греховных скорая рещительнице; радуйся, язв многозлобных добрая целебнице.
Радуйся, Варваро, невесто Христова прекрасная.
Кондак 7
Х отящу безумному мучителю желание свое улучити и еще покушающемуся ласкательными словесы тебе, святая Варваро, от Истиннаго Бога отвратити ко прелестным идолом, ты, яко мудрая дева, отвещала еси тому: «Первее твердый адамант в мягкий воск претвориши, нежели мене отвратиши от Христа Бога моего: Того бо, со Отцем и Святым Духом, Единаго Истиннаго Бога исповедую, славлю, хвалю и пою Ему: Аллилуиа».
Икос 7
Н овую показа безчеловечия ярость зверообразный мучитель, егда тебе, святая великомученице Варваро, повеле на древе повесити и ноготьми железными тело твое строгати, и свещами горящими твоя опаляти ребра, еще же и млатом во главу тяжко бити. Сие пачеестественное терпение твое благоговейно воспоминающе, похвалами блажим тя сими:
Радуйся, яко повешена была еси на древе Христа ради, на Кресте распятаго; радуйся, яко строгана по ребром Иисуса ради, копием в ребра прободеннаго.
Радуйся, яко огнь любве к Богу в сердце твоем возжегла еси; радуйся, яко за Того огненными свещами палима была еси.
Радуйся, твердейшая адаманта в терпении невредимом; радуйся, крепчайшая каменнаго столпа в мужестве непоколебимом.
Радуйся, яко млатом, бившим тя по главе, венец Царствия тебе исковася; радуйся, яко темже млатом глава врага твоего сокрушися.
Радуйся, яко со Христом, Его ради, на земли страдала еси; радуйся, яко с Ним и о Нем на Небеси прославляешися.
Радуйся, всех врагов наших крепкая победительнице; радуйся, во всех бедах наших скорая помощнице.
Радуйся, Варваро, невесто Христова прекрасная.
Кондак 8
С транное и страшное святыя Варвары страдание видящи, благоверная в женах Иулиания удивися зело, како млада отроковица в юностнем телеси таковыя мужественно за Христа терпит муки; таже, слезнаго исполнившися умиления, благодарственно и та возопи Христу Богу: Аллилуиа.
Икос 8
В есь Сладчайший Иисус сладость, весь желание тебе бысть, святая Варваро; сладце бо Его ради горькия терпела еси муки, глаголющи: «Чашу страданий, юже даде ми Возлюбленный мой Жених, не имам ли пити?» Темже и сама показалася еси чаша, сладость чудесных исцелений изливающая всем вопиющим к тебе сицевая:
Радуйся, отвергшая во адское горе идольскую горесть; радуйся, возлюбившая Небесную Иисусову сладость.
Радуйся, мысленная стамно, манну брашна творения воли Божия в себе имущая; радуйся, верных во благих желание исполняющая.
Радуйся, реко, исполненная благодати Божия водами; радуйся, источниче, кипящий чудес излиянии.
Радуйся, яко пчела, от зловоннаго идольских жертв дыма отлетевшая; радуйся, во благоуханную мира Христова воню сладце притекшая.
Радуйся, яко твоими по всем теле язвами была еси подобна соту; радуйся, яко крове твоея капли сладчайшия паче меда быша Пресладкому Иисусу.
Радуйся, яко всем верным воспоминание твое пресладко; радуйся, яко всей Церкви Христовой имя твое пречестно.
Радуйся, Варваро, невесто Христова прекрасная.
Кондак 9
В се естество ангельское велиею возрадовася радостию, узревши мужественную крепость твою, святая и непобедимая мученице Варваро: видевше бо Ангельстии чинове ветхаго врага, прегордаго князя тьмы, со всем его бесовским и идольским полчищем от тебе, единыя младыя девы, посрамленнаго, побежденнаго же и под нозе твои поверженнаго, велиим гласом возопиша Богу: Аллилуиа.
Икос 9
В итии многовещаннии риторскими своими языки не возмогут изрещи величества твоих болезненных страданий, о Варваро: кто бо скажет болезнь твою, колика бе, егда сосца твоя урезана быша? Кто изречет студ лица девическаго, егда обнажена по всему граду от беззаконных мучителей водима была еси? Сицевую болезнь и безчестие твое мы точию воспомянувше, содрогаемся и со умилением глаголем сице:
Радуйся, добрая леторасле сада Иисусова; радуйся, истинная лозо винограда Христова.
Радуйся, два сосца твоя отрезанная, аки два грезна в честь Господеви твоему принесшая; радуйся, кровь твою, аки вино умиления, от тех источившая.
Радуйся, яко Христа ради обнаженнаго и ты риз твоих совлечена была еси; радуйся, яко Его ради, во Иерусалиме ругательне водимаго, и ты по граду на поругание водима была еси.
Радуйся, от Ангела светлою одеждою в наготе твоей одеянная; радуйся, тою от студных очес невидимо покровенная.
Радуйся, чудный Ангелом и человеком позор бывшая; радуйся, и самех мучителей терпением твоим удивившая.
Радуйся, яко Сам Господь свыше призре на твоя страдания; радуйся, яко Сам Той Подвигоположник похвали подвиги твоя.
Радуйся, Варваро, невесто Христова прекрасная.
Кондак 10
С пасти хотя душу твою, о теле твоем всячески нерадила еси, святая Варваро: егда бо на тя мечное на смерть осуждение изыде, ты под меч острый, аки под венец красный, радостно идущи, Богу, в мученическом подвизе тебе укрепляющему, воспевала еси песнь: Аллилуиа.
Икос 10
С тены каменныя твердее окамененный сердцем бысть Диоскор, твой, святая Варваро, не уже родитель, но лютый мучитель: той бо, яко услыша твое мечное на смерть осуждение, не точию о смерти твоей не поболе, но и сам своим мечем на месте осуждения твою святую усече главу, и тако, по предречению Господню, окаянный отец предаде на смерть свое чадо. В той убо блаженней твоей кончине приими от нас пения сия:
Радуйся, за главу Церкве - Христа под меч главу твою преклоншая; радуйся, за любовь к Небесному человеколюбивому Отцу Безсмертному на смерть от земнаго безчеловечнаго отца тленнаго преданная.
Радуйся, течение мученическаго пути скончавшая добре; радуйся, веру безсмертному Обручнику Христу до смерти сохраншая бодре.
Радуйся, силою свыше на брань противу сил преисподних препоясанная; радуйся, победоносною славою в Вышних от Христа Победителя одеянная.
Радуйся, оружием благоволения Божия венчанная на земли; радуйся, цветом нетления украшенная на Небеси.
Радуйся, девам доброто и похваление; радуйся, мучеником красото и радование.
Радуйся, христианом крепкое прибежище; радуйся, верным твердое заступление.
Радуйся, Варваро, невесто Христова прекрасная.
Кондак 11
П ение наше похвальное, аще бы и тьмочисленное, вемы, яко несть довольно по достоянию восхвалити тя, святая и всехвальная мученице Варваро: обаче мы, Божиих тобою нам обильно подаваемых дарований благодарни суще, Богу, в тебе Своими благодеянии прославляемому, благодарственными усты поем: Аллилуиа.
Икос 11
С ветоприемную свещу, на Небеснем свещнице пред Престолом Святыя Троицы поставленную, зрим умныма очима тебе, святая дево Варваро: отонудуже, егда нощный грехов наших мрак лучами молитв твоих просвещаеши и нас на светлую спасения стезю наставляеши, по долгу достойна еси от нас званием быти почитаема сим:
Радуйся, светоумная луче, во светлость немерцающую прилученная; радуйся, мысленная деннице, день невечерний озаряти возшедшая.
Радуйся, благовонная смирно, Церковь Христову благоухающая; радуйся, златая кадильнице, фимиам молитвы о нас к Богу приносящая.
Радуйся, мироположнице исцелений неоскудная; радуйся, сокровище Божиих даров неиждивительное.
Радуйся, чаше, от обилия дому Божия черплющая радость; радуйся, сосуде, от исполнения Христова приемлющий всех благ Небесных сладость.
Радуйся, адаманте, перстень безсмертнаго со Христом обручения украсивый; радуйся, венче доброты, в руце Господней держимый.
Радуйся, яко на тя Царь Славы, Господь Сил, славу и велелепие возложил есть; радуйся, яко тебе Царь царствующих и Господь господствующих Царство Свое и господствие даровал есть.
Радуйся, Варваро, невесто Христова прекрасная.
Кондак 12
Б лагодать от Бога дана ти есть, хранити и соблюдати от внезапныя болезни и наглыя смерти всякаго человека, верою, любовию и благоговением честная твоя страдания воспоминающаго и почитающаго; тоя благодати не лиши и нас, добрая дево Варваро, да и мы, здрави суще телом и духом в нынешней и будущей жизни о тебе поем Богу: Аллилуиа.
Икос 12
П оем твоя крепкия подвиги, почитаем страдания, хвалим долготерпение, ублажаем святую твою кончину, славим твое в немощнем теле показавшееся непобедимое мужество, имже на земли и на Небеси прославилася еси, святая и добропобедная великомученице Варваро, и в честь твоих победоносных подвигов и страданий похвальная восписуем ти сия:
Радуйся, от ангельских чинов в сожительство их любезно приятая; радуйся, от девственных ликов в чертог Небесный радостно введенная.
Радуйся, от мученических полков под венец славы провождаемая во гласе радования; радуйся, от всех жителей Небесных приемшая о Господе целование.
Радуйся, яко мзда твоя многа есть на Небесех; радуйся, яко радость твоя вечна есть во светлости святых.
Радуйся, от враг видимых и невидимых крепкая нам заступнице; радуйся, радости нам, благодати же и славы вечныя ходатаице.
Радуйся, душевных и телесных недугов наших целительнице; радуйся, спасительных благ земных и небесных подательнице.
Радуйся, яко тобою от нечаянныя и вечныя смерти сохранени быти уповаем; радуйся, яко тобою вечную жизнь улучити благонадежно чаем.
Радуйся, Варваро, невесто Христова прекрасная.
Кондак 13
О многострадальная и всехвальная святая великомученице Варваро! Нынешнее наше моление приемши, от всяких болезней душевных и телесных и враг видимых и невидимых нас избави, и от вечнаго мучения твоим богоприятным ходатайством сохрани, да с тобою на земли живых во веки поем Богу: Аллилуиа.
Этот кондак читается трижды, затем 1-й икос «Ангелом честную...» и 1-й кондак «Избранной Богом...».
Молитва первая
С вятая славная и всехвальная великомученице Варваро! Собраннии днесь в храме твоем Божественном люди, раце мощей твоих поклоняющиися и любовию целующии, страдания же твоя мученическая, и в них Самаго Страстоположника Христа, давшаго тебе не точию еже в Него веровати, но и еже по Нем страдати, похвалами ублажающе, молим тя, известная желания нашего ходатаице: моли с нами и о нас умоляемаго от Своего благоутробия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, и дарует христианскую кончину животу нашему - безболезненну, непостыдну, мирну, Божественных Тайн причастну, и всем, на всяком месте, во всякой скорби и обстоянии требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас всегда, ныне и присно, и во веки веков. Аминь.
Молитва вторая
П ремудрая и всекрасная святая великомученице Христова Варваро! Блаженна еси, яко Премирная мудрость Божия плоть и кровь не яви тебе, но Сам Бог, Отец Небесный, Иже тебе, веры ради от невернаго отца оставленную, изгнанную и умерщвленную, в дщерь Себе возлюбленную прият; за тленное земнаго имения наследие плоти нетление дарова; труды мученическия упокоением Небеснаго измени Царствия; временное твое житие, смертию Его ради пресеченное, сицевою воспрослави почестию, яко душу с лики Небесных вчини духов, тело же, на земли в храме их ангельском положенное, Ангелом заповеда сохранити цело, честно и многочудесно. Блаженна еси, Христу Сыну Божию, Жениху Небесному, уневещанная дево, Егоже доброты твоея Рачителя имети желающи, всю себе страданием, ранами, удов резанием и самыя главы усечением, аки утварьми дражайшими, потщалася еси украсити: да тако, яко жена, верна главе своей - мужу, Христу духом и телом соединишися неразлучно, глаголющи: «Обретох, Егоже возлюби душа моя, удержах Его и не оставих Его». Блаженна еси, яко Святый Дух на тебе почил есть, имже духовными духовная разсуждати научена, вся духи лукавствия во идолех яко пагубныя отринула еси и Единаго Бога Духа познавши, яко истинная поклонница, духом и истиною кланятися изволила еси, проповеднически глаголющи: «Троицу чту, Едино Божество». Сию Святую Троицу, Юже в животе и смерти исповеданием и страданием своим прославила еси, умоли о мне, предстательнице моя, яко да и аз всегда тройственною веры, любве и надежды добродетелию, Туюжде Святую Троицу почитаю. Имам светильник веры, но празден благих дел елеа; ты, мудрая дево, страдальческую плоть твою, крове исполненную и ранами преливающуюся, аки светильник имущая, даждь от елеа твоего, да тем душевную мою свещу украсивши, сподоблюся по тебе в Чертог Небесный внити. Пресельник аз есмь на земли и пришлец, якоже вси отцы мои; благ вечных наследнице и блаженныя вечери в Царствии Небеснем причастнице, яко в странствии жития, Трапезы Божественныя угодения, сице и во исходе от мира желаемаго сподоби мя напутствования; и егда в конец сном смерти начну усыпати, коснися тогда изнемогающия плоти моея, яко иногда Ангел Илии, глаголющи: востани, яждь и пий; яко да благодатию Божественных Тела и Крове Тайн укреплен, преиду в крепости яди тоя далекий путь смерти, даже до Горы Небесныя: и тамо, Егоже ты чрез три окна банныя прежде верою Бога Троицу узрела еси, Сего купно с тобою лицем к лицу да удостоюся видети и славити Его в некончаемыя веки. Аминь.
